స్టైలిష్ స్టార్ అల్లు అర్జున్.. సుకుమార్ దర్శకత్వంలో ప్రస్తుతం నటిస్తున్నాడు. గ్రామీణ నేపథ్య కథతో ఈ సినిమాను తీస్తున్నారు. ఇందులో చిత్తూరు యాసతో డైలాగ్లు పలకనున్నాడు బన్నీ. రేపు(బుధవారం).. ఇతడి పుట్టినరోజు సందర్భంగా ఓ అప్డేట్ను వెల్లడించనున్నారు. ఇది టైటిల్కు సంబంధించిన విషయమేనని, ఆ పేరు ఇదేనంటూ సోషల్ మీడియాలో తెగ చర్చించుకుంటున్నారు.
ఈ ప్రాజెక్టుకు రెండక్షరాల పేరునే నిర్ణయించారని గతంలో వార్తలొచ్చాయి. ఎందుకంటే బన్నీ-సుక్కు కాంబోలో వచ్చిన గత చిత్రాలు 'ఆర్య', 'ఆర్య 2'లకు ఇలాంటి టైటిల్స్ ఉండటం.. వీటికి బలాన్నిచ్చింది. ఇప్పుడు తీస్తున్న సినిమాకు మాత్రం హీరోయిన్ పాత్ర పేరునే టైటిల్గా పెట్టాలని అనుకున్నారట. అందుకు తగ్గట్లుగానే 'పుష్ప' అనే పేరును ఫిక్స్ చేశారని టాక్. మరికొన్ని గంటల్లో దీనిపై స్పష్టత వస్తుంది.
ఈ సినిమాలో కథానాయికగా రష్మిక నటిస్తోంది. విజయ్ సేతుపతి కీలక పాత్ర పోషిస్తున్నాడు. దేవి శ్రీ ప్రసాద్ సంగీతమందిస్తున్నాడు. మైత్రీ మూవీ మేకర్స్ నిర్మిస్తోంది. వచ్చే ఏడాది వేసవికి ప్రేక్షకుల ముందుకు రానుంది.
