అల్లు అర్జున్ - కొరటాల శివ కలయికలో సినిమా గురించి ఎప్పట్నుంచో చర్చ నడుస్తోంది. కొరటాల దర్శకత్వంలో సినిమా చేయడానికి బన్నీ సిద్ధంగా ఉన్నారని ఆయన సన్నిహితులు చెబుతున్నారు. వీరిద్దరి మధ్య ఇదివరకే ఓ దఫా చర్చలు జరిగినట్టు సమాచారం. సుకుమార్‌ దర్శకత్వం వహిస్తున్న 'పుష్ప' కోసం త్వరలోనే రంగంలోకి దిగబోతున్నారు. తదుపరి కొరటాల దర్శకత్వంలోనే ఆయన సినిమా చేయబోతున్నారని, దీని కోసమే కథ సిద్ధమవుతున్నట్టు ప్రచారం సాగుతోంది.
మెగాస్టార్ చిరంజీవితో 'ఆచార్య' చేస్తున్నారు కొరటాల. కరోనా ప్రభావంతో విరామం వచ్చింది. ఈ సమయంలో కొరటాల శివ తదుపరి సినిమాల కోసం కథలు సిద్ధం చేయడంపైనే దృష్టిపెట్టారు. 'ఆచార్య' తర్వాత విరామం లేకుండా, వేగంగా సినిమాలు చేయాలని నిర్ణయించారు.
