ఖమ్మం శివారులో హీరో అల్లు అర్జున్ కార్‌వాన్‌కు స్వల్ప ప్రమాదం సంభవించింది. 'పుష్ప' సినిమా కోసం భద్రాచలం సమీపంలోని మారేడుపల్లిలో చిత్రీకరణ జరిగింది. షూటింగ్ అనంతరం తిరిగి వస్తున్న సమయంలో... అల్లు అర్జున్ కార్వాన్ను వెనుకనుంచి ఓ కంటైనర్ ఢీకొట్టింది. ఈ ప్రమాదం జరిగినప్పుడు కార్వాన్లో బన్నీ లేడని... కేవలం మేకప్ బృందం మాత్రమే ఉన్నారని కార్‌వాన్‌ డ్రైవర్ తెలిపాడు. ఈ ఘటనలో ఎవరికీ ఎలాంటి గాయాలు కాలేదని స్పష్టం చేశాడు.
ఇటీవలే ఆ సినిమాకు పనిచేసిన ఫొటోగ్రాఫర్ హర్ట్ఎటాక్తో చనిపోయాడు. తాజాగా ఈ ప్రమాదం జరగ్గా... ఇప్పుడు ఇదే విషయం చర్చనీయాంశమైంది. సుకుమార్‌ డైరెక్షన్‌లో తెరకెక్కుతున్న చిత్రం 'పుష్ప'... రెండు కీలక షెడ్యూల్స్ను పూర్తి చేసుకుంది. రంపచోడవరం, మారేడుమిల్లి ఏజెన్సీ ఏరియాలో చిత్రీకరణ జరిగింది. రష్మిక హీరోయిన్గా నటిస్తున్న ఈ చిత్రానికి దేవిశ్రీ ప్రసాద్ సంగీతం అందిస్తున్నాడు. ఆగస్టు 13న ప్రపంచవ్యాప్తంగా పుష్ప విడుదలవనుంది.
ఇదీ చూడండి: 'పుష్ప' షూటింగ్ అప్డేట్.. రెండు షెడ్యూల్స్ పూర్తి
