బన్నీకి బర్త్​డే విషెస్​ చెప్పండి బ్రదర్​!

'ఓ మై బ్రదరూ.. చెబుతా వినరో.. వన్​సైడూ​ లవ్వేరా ఎంతో బెటరూ'... అంటే యువత వింటారో లేదో గానీ అల్లు అర్జున్ చెబితే వినడమే కాదు.. చిన్న సైజు డ్యాన్స్​ కూడా చేస్తారు. ప్రేక్షకుల్లో అంత క్రేజ్ తెచ్చుకున్న అల్లుఅర్జున్​ పుట్టిన రోజు నేడు. 37వ వసంతంలో అడుగుపెడుతున్న స్టైలిష్​ స్టార్​కు జన్మదిన శుభాకాంక్షలు.

గంగోత్రితో పరిచయమయ్యాడు...ఫీల్ మై లవ్ అంటూ పలకరించాడు... బన్నీ బన్నీ అంటూ భేష్ అనిపించాడు... దేశముదురుతో దుమ్మురేపాడు... పరుగుతో పరుగులెత్తించాడు... జులాయితో జూలు విదిల్చాడు... మలయాళ ప్రేక్షకులకు మల్లూ అర్జున్​గా మారాడు.. అల్లు అర్జున్. ఈ రోజు ఆయన పుట్టినరోజు సందర్భంగా ​ కొన్ని విషయాలు చూద్దాం!

• " class="align-text-top noRightClick twitterSection" data="">

• బ్యాక్ గ్రౌండ్..

అల్లు అర్జున్‌ 1983 ఏప్రిల్‌ 8న చెన్నైలో జన్మించాడు. పద్దెనిమిదేళ్ల వరకు చెన్నైలోనే పెరిగిన అల్లు అర్జున్‌ పద్మ శేషాద్రి పాఠశాలలో చదువుకున్నాడు. చిన్నప్పట్నుంచే డ్యాన్స్‌పై మక్కువ ఏర్పడింది. ఓ పక్క డ్యాన్స్ నేర్చుకుంటూనే పియానో, జిమ్నాస్టిక్స్​ కూడా నేర్చుకున్నాడు. తండ్రి అల్లు అరవింద్ పెద్ద నిర్మాతైనా... మేనమామ చిరంజీవి అగ్రనటుడైనప్పటికీ.. సినీఇండస్ట్రీలో తనకంటూ ప్రత్యేక గుర్తింపు తెచ్చుకున్నాడు.

• " class="align-text-top noRightClick twitterSection" data="">

• సినీ ప్రస్థానం..

చిరంజీవి నటించిన 'విజేత' సినిమాలో చిన్నవయసులోనే తొలిసారి నటించాడు అల్లు అర్జున్. 'స్వాతి ముత్యం' లోనూ కమల్​హాసన్ మనుమడిగా కనిపించాడు. అనంతరం 'డాడీ' చిత్రంలో అతిథి పాత్రలో అలరించాడు. గంగోత్రితో తెలుగు తెరకు హీరోగా పరిచయమయ్యాడు. తర్వాత సుకుమార్ తెరకెక్కించిన ఆర్యతో ఘన విజయాన్ని సొంతం చేసుకున్నాడు. బన్ని, హ్యాపీ, దేశముదురు, పరుగు, ఆర్య 2, వేదం, జులాయి, రేసుగుర్రం, రుద్రమదేవి, సన్నాఫ్ సత్యమూర్తి, సరైనోడు లాంటి విజయాలను అందుకున్నాడు.

• " class="align-text-top noRightClick twitterSection" data="">

నటనతోనే కాకుండా తన డ్యాన్స్​తో అభిమానుల్ని సంపాదించుకున్నాడు అల్లుఅర్జున్.​ స్టైలిష్‌ స్టార్‌గా పేరు తెచ్చుకొన్న ఆయన యువతరానికి ఓ ఐకాన్‌గా కొనసాగుతున్నాడు. ఆయన స్టైల్​తో తెలుగులోనే కాకుండా మలయాళంలోనూ స్టార్​డమ్​ తెచ్చుకున్నాడు.

• " class="align-text-top noRightClick twitterSection" data="">

• ప్రస్తుత సినిమాలు..

ప్రస్తుతం త్రివిక్రమ్‌తో సినిమా కోసం సన్నద్ధమవుతున్నాడు. తన 20వ చిత్రాన్ని సుకుమార్‌ దర్శకత్వంలో చేయడానికి ఇప్పటికే గ్రీన్‌సిగ్నల్‌ ఇచ్చేశాడు. అల్లు అర్జున్‌ హైదరాబాద్‌కి చెందిన స్నేహారెడ్డిని ప్రేమించి పెళ్లి చేసుకున్నాడు. వీరికి అబ్బాయి అయాన్‌తో పాటు, అమ్మాయి అర్హ ఉన్నారు.

సినిమాల్లోనే కాకుండా పలు వాణిజ్య ప్రకటనల్లోనూ నటిస్తున్నాడీ అల్లూ వారబ్బాయి. అల్లు అర్జున్ నేడు​ 37వ వసంతంలోకి అడుగుపెడుతున్నాడు.

• " class="align-text-top noRightClick twitterSection" data="">