NTR Aliabhatt movie: త్వరలోనే 'ఆర్ఆర్ఆర్' సినిమాతో ప్రేక్షకుల ముందుకు రానున్న ఎన్టీఆర్.. తన తర్వాతి ప్రాజెక్ట్ను దర్శకుడు కొరటాల శివతో చేయనున్నారు. అయితే ఈ చిత్రంలో హీరోయిన్గా బాలీవుడ్ భామ ఆలియా భట్ను తీసుకోవాలని చిత్రబృందం భావిస్తున్నట్లు గతంలో వార్తలు వచ్చాయి. ఇప్పడీ విషయం మరోసారి తెరపైకి వచ్చింది. హీరోయిన్గా ఆలియా, సంగీత దర్శకుడిగా అనిరుద్ధ్ ఎంపిక దాదాపుగా ఖరారైనట్లు ప్రస్తుతం నెట్టింట్లో జోరుగా ప్రచారం సాగుతోంది. వచ్చే నెలలో ఈ సినిమా షూటింగ్ ప్రారంభంకానున్నట్లు తెలుస్తోంది.
"ప్రస్తుతం ప్రీ ప్రొడక్షన్ పనులు వేగంగా జరుగుతున్నాయి. ఆలియా, అనిరుద్ధ్తో చిత్రబృందం చర్చలు జరుపుతోంది. తారక్ స్టూడెంట్ లీడర్గా కనిపించనున్నారు" అని సినీవర్గానికి చెందిన ఓ ప్రతినిధి తెలిపారు.
కాగా, ఎన్టీఆర్-ఆలియా కలిసి.. దర్శకుడు రాజమౌళి ప్రతిష్ఠాత్మకంగా తెరకెక్కించిన ఆర్ఆర్ఆర్లో నటించారు. ఇందులో వీరితో పాటు కీలక పాత్రల్లో రామ్చరణ్, అజయ్దేవగణ్, శ్రియ కూడా కనిపించనున్నారు.
ఇదీ చూడండి: ఈ ఏడాది రాబోయే క్రేజీ తెలుగు సీక్వెల్స్
