'అర్జున్‌ రెడ్డి 2'తో బన్నీ సర్‌ప్రైజ్‌..!

అల్లు అర్జున్ హీరోగా త్రివిక్రమ్ దర్శకత్వంలో తెరకెక్కిన చిత్రం 'అల వైకుంఠపురములో'. సంక్రాంతి కానుకగా విడుదలైన ఈ సినిమా బాక్సాఫీస్ వద్ద ఘనవిజయం అందుకుంది. తాజాగా ఈ సినిమాలోని డిలిటెడ్ సీన్ విడుదల చేసింది చిత్రబృందం.

ఏంటి.. 'అర్జున్‌ రెడ్డి 2'లో అల్లు అర్జున్‌ హీరోనా! అనే సందేహంలో పడ్డారా? హీరో కాదండోయ్‌ 'అర్జున్‌ రెడ్డి 2'కు దర్శకత్వం వహించాడు. త్రివిక్రమ్‌ దర్శకత్వంలో బన్నీ నటించిన 'అల వైకుంఠపురములో' ఇటీవలే విడుదలై మంచి విజయం అందుకుంది. బాక్సాఫీస్ వద్ద వసూళ్ల వర్షం కురిపించిన ఈ చిత్రంలోని ఓ డిలిటెడ్‌ సీన్‌ను తాజాగా విడుదల చేసింది చిత్రబృందం.