బాలీవుడ్ హీరో అక్షయ్ కుమార్.. కోట్లల్లో రెమ్యూనరేషన్, చేతినిండా సినిమాలతో బిజీగా ఉన్నాడు. మరోవైపు వాణిజ్య ప్రకటనల్లో నటిస్తూ, స్టేజ్ షోలు చేస్తూ ఫోర్బ్స్ జాబితాలోనూ స్థానం సంపాదించాడు. కాని ఒకప్పుడు మాత్రం రైలులో ప్రయాణించేందుకూ ఈ నటుడి దగ్గర డబ్బులేవట. 'హౌసపుల్ 4' సినిమా ప్రచార కార్యక్రమాల్లో భాగంగా కపిల్శర్మ షోలో పాల్గొన్న అక్షయ్.. స్వయంగా ఈ విషయాన్ని వెల్లడించాడు.
చిన్నప్పుడు ఫ్రెండ్స్తో కలిసి మహారాష్ట్రలోని మాథెరన్ హిల్స్టేషన్కు వెళ్లిన అక్షయ్.. తిరిగి రావడానికి డబ్బుల్లేవు. చివరకు ఏమైతే అది అవుతుందని ఏడుగురు స్నేహితులు ఒకే టికెట్ కొని రైలులో ప్రయాణించారు. అదృష్టం ఏంటంటే టీసీ వీళ్లని పట్టించుకోలేదు.
వీటితో పాటే తన ప్రేమ జ్ఞాపకాలనూ పంచుకున్నాడు అక్షయ్. టీనేజ్లో ఓ గర్ల్ఫ్రెండ్కు ప్రపోజ్ చేస్తే కాదని పొమ్మందట. ఇండస్ట్రీలోకి రాకముందు ఈ హీరోకు సిగ్గు చాలా ఎక్కువగా ఉండేది. స్నేహితురాలితో బయటికి వెళ్లినప్పుడు చేతులు పట్టుకుని ముద్దు పెట్టమని అడిగేదని, కాని సిగ్గుతో పారిపోయేవాడినని చెప్పుకొచ్చాడు 'కిలాడీ' నటుడు. అయితే చివరికి 'నువ్వు వద్దు, నీ ముద్దు వద్దు' అని ఆమె వెళ్లిపోయిందట.
ఇది చదవండి: పూజా హెగ్డే పాదాన్ని ముద్దాడిన అక్షయ్
