ఏ పాత్రలోనైనా ఒదిగిపోయే నటుల్లో సూర్య ఒకరు. పాత్ర సహజత్వం కోసం ఎంతగానో శ్రమిస్తాడు. ఒకే సినిమాలో మూడు నాలుగు గెటప్పులకు తగ్గట్టు తనని తాను మలుచుకుంటాడు. ఈ హీరో ప్రస్తుతం నటిస్తున్న 'ఆకాశం నీ హద్దురా' చిత్రంలోనూ విభిన్న పాత్రల్లో కనిపించనున్నాడు. సుధా కొంగర తెరకెక్కిస్తున్న ఈ సినిమా కోసం సూర్య ఎంత కష్టపడుతున్నాడో తెలియజేసే ఓ వీడియో విడుదల చేసింది చిత్రబృందం.
'ఫ్రం స్క్రిప్ట్‌ టు స్క్రీన్‌' పేరుతో మేకింగ్ వీడియో రూపొందించారు. ఇందులో దర్శకురాలు సూర్యను ఎలా చూపించాలనుకున్నారో చిత్రబృందంతో మాట్లాడుతుండగా.. సూర్య చేస్తోన్న కసరత్తులు దర్శనమిస్తాయి. సూర్య రన్నింగ్, ఇతర వ్యాయామాలు చేస్తూ ఆశ్చర్యపరుస్తున్నాడు. ఆ వీడియో మీరూ చూడండి.
- " class="align-text-top noRightClick twitterSection" data="">
