అందాల భామ ఐశ్వర్యరాయ్.. చాలా రోజుల దక్షిణాదిలో నటించేలా కనిపిస్తోంది. ప్రశాంత్ హీరోగా తెరకెక్కే 'అంధాధున్' తమిళ రీమేక్ కోసం ఈమెను సంప్రదించినట్లు తెలుస్తోంది. ప్రస్తుతం చర్చల దశలో ఉన్న ఈ విషయంపై, త్వరలో స్పష్టత రానుంది. ఒకవేళ ఇదే నిజమైతే దాదాపు 22 ఏళ్ల తర్వాత ప్రశాంత్-ఐశ్వర్య కలిసి నటించనట్లవుతుంది. గతంలో వీరిద్దరూ 'జీన్స్' కోసం జోడీ కట్టారు.
బాలీవుడ్లో ఆయుష్మాన్ ఖురానా నటించిన 'అంధాధున్'.. తెలుగులోనూ రీమేక్ చేస్తున్నారు. నితిన్, తమన్నా, నభా నటేశ్ ప్రధాన పాత్రల్లో కనిపించనున్నారు. మేర్లపాక గాంధీ దర్శకత్వం వహిస్తున్నారు. అయితే ఒరిజినల్ సినిమాలో టబు పోషించిన పాత్రలోనే తమన్నా కనిపించనుంది. ఇప్పుడదే పాత్రను తమిళంలో ఐశ్వర్య చేయనుందని సమాచారం.
