అల్లు అర్జున్‌ కథానాయకుడిగా నటిస్తున్న చిత్రం 'పుష్ప'. రష్మిక కథానాయిక. సుకుమార్ దర్శకత్వం వహిస్తున్నారు. మైత్రీ మూవీ మేకర్స్‌ నిర్మిస్తోంది. ఎర్రచందనం అక్రమ రవాణా నేపథ్యంలో సాగే ఈ చిత్రంలోని ఓ కీలక పాత్ర కోసం ప్రముఖ నటుడు సునీల్‌ని ఎంపిక చేశారు. ఇటీవలే ఆయన చిత్రీకరణలో పాల్గొన్నట్టు సమాచారం.
ఇందులో ప్రధాన ప్రతినాయకుడి పాత్ర కోసం మొదట పలువురి పేర్లు వినిపించాయి. అందులో సునీల్ పేరూ ఉంది. మరి ఆయన్ని ఏ పాత్ర కోసం ఎంపిక చేశారనేది తెలియాల్సి ఉంది. ప్రస్తుతం హైదరాబాద్‌లోని ఓ వ్యవసాయ క్షేత్రంలో ఈ సినిమా చిత్రీకరణ జరుగుతోంది. ఈ షెడ్యూల్‌లో సునీల్‌పై సన్నివేశాలు చిత్రీకరిస్తున్నట్లు తెలుస్తోంది.
ఇదీ చూడండి: బాక్సాఫీసును గెలవాలని.. అదృష్టాన్ని పరీక్షించుకోవాలని!
