సినీనటుడు శ్రీకాంత్​కు పితృవియోగం

ప్రముఖ సినీనటుడు శ్రీకాంత్​ తండ్రి.. మేక పరమేశ్వరరావు(70) అనారోగ్యంతో చికిత్స పొందుతూ కన్నుమూశారు. ఇవాళ మధ్యాహ్నం అంత్యక్రియలు నిర్వహించనున్నట్లు కుటుంబసభ్యులు తెలిపారు.

ప్రముఖ సినీనటుడు శ్రీకాంత్‌కు పితృవియోగం కలిగింది. అతడి తండ్రి మేక పరమేశ్వరరావు(70) అనారోగ్యంతో ఆదివారం రాత్రి కన్నుమూశారు. ఊపిరితిత్తుల వ్యాధితో బాధపడుతున్న ఆయన.. గత నాలుగు నెలలుగా ఓ ప్రైవేట్​ హాస్పిటల్‌లో చికిత్స పొందుతున్నట్లు సమాచారం. ఇవాళ మధ్యాహ్నం హైదరాబాద్​లోని మహాప్రస్థానంలో అంత్యక్రియలు నిర్వహించనున్నట్లు కుటుంబసభ్యులు తెలిపారు.

1948, మార్చి 16న కృష్ణాజిల్లా మేకావారిపాలెంలో జన్మించిన పరమేశ్వరరావు.. కర్ణాటకలోని గంగావతి జిల్లా బసవ పాలెంకు వలస వెళ్లారు. ఆయన భార్య ఝాన్సీలక్ష్మి, కుమార్తె నిర్మల, కుమారులు శ్రీకాంత్, అనిల్.

ఇదీ చదవండి: నితిన్​.. నిఖిల్​ల పెళ్లి ఒకే రోజు..!