కొవిడ్​తో మరో ప్రముఖ నటుడు మృతి

కొన్నిరోజుల క్రితం కరోనా బారిన పడ్డ బాలీవుడ్​ ప్రముఖ నటుడు బిక్రమ్​జిత్.. తుదిశ్వాస విడిచారు. దాదాపు 18 ఏళ్ల పాటు పలు భాషల్లోని సినిమాల్లో నటించి అభిమానుల్ని సంపాదించారు.

ప్రముఖ నటుడు బిక్రమ్​జిత్ కన్వర్​పాల్​(52).. కొవిడ్​ ప్రభావంతో శనివారం ఉదయం మరణించారు. ఈ విషయాన్ని దర్శకుడు అశోక్ పండిట్​ ట్విట్టర్​ వేదికగా వెల్లడించి, నివాళి అర్పించారు.

ఆర్మీ మేజర్​గా దేశసేవ చేసి రిటైర్​ అయిన బ్రికమ్​జిత్.. 2003లో 'పేజ్ 3' సినిమాతో అరంగేట్రం చేశారు. ఆ తర్వాత రాకెట్ సింగ్, ఆరక్షణ్, మర్డర్ 2, టూ స్టేట్స్, ద ఘాజీ ఎటాక్ తదితర చిత్రాలతో పాటు ఎన్నో టీవీ షోల్లో సహాయ పాత్రలు షోపించి, గుర్తింపు తెచ్చుకున్నారు.

బిక్రమ్​జిత్ కన్వర్​పాల్​