బాలీవుడ్ కథానాయకుడు ఆమిర్ ఖాన్కు కరోనా పాజిటివ్గా నిర్ధరణ అయ్యింది. ప్రస్తుతం ఆయన ఆరోగ్యం నిలకడగానే ఉండడం వల్ల స్వీయనిర్బంధంలో ఉన్నట్లు ఆమిర్ ప్రతినిధి మీడియాతో వెల్లడించారు. గత కొన్ని రోజులుగా అతడ్ని కలిసిన వ్యక్తులు కరోనా టెస్ట్ చేయించుకోవాల్సిందిగా ఆయన సూచించారు.
"ఆమిర్ ఖాన్కు కరోనా పాజిటివ్గా తేలింది. కరోనా నిబంధనలను అనుసరించి ఆయన ప్రస్తుతం స్వీయనిర్బంధంలో ఉన్నారు. ఆమిర్ ఆరోగ్యం నిలకడగానే ఉంది. కొన్ని రోజులుగా హీరోను కలిసిన వారు ముందు జాగ్రత్తగా కొవిడ్ టెస్ట్ చేయించుకోవాల్సిందిగా కోరుతున్నాం" అని ఆమిర్ ఖాన్ ప్రతినిధి తెలిపారు.
ఆమిర్ ఖాన్.. ప్రస్తుతం 'లాల్ సింగ్ చద్దా'లో నటిస్తున్నారు. ఈ చిత్రం డిసెంబరులో విడుదలకానుంది. ఇందులో కరీనా కపూర్ నాయికగా నటిస్తున్నారు.
ఇదీ చూడండి: బీబీ3: పవర్ఫుల్ రోల్లో హీరో శ్రీకాంత్!
