స్టార్ హీరోలు రామ్చరణ్, ఎన్టీఆర్ నటిస్తున్న మల్టీస్టారర్ 'ఆర్ఆర్ఆర్'. తారక్ సరసన ఒలీవియా మోరిస్ హీరోయిన్గా.. రే స్టీవెన్సన్, అలిసన్ డూడీలు ప్రతినాయక పాత్రలు పోషిస్తున్నట్లు చిత్రబృందం వెల్లడించింది. దాదాపు 10 భాషల్లో విడుదల చేయనున్నట్లు చెప్పింది. అయితే ఆ పోస్టర్లపైనా విడుదల తేదీని మాత్రం రాయలేదు. ఈ కారణంగా అభిమానుల మదిలో సందేహాలు మొదలయ్యాయి. ముందే చెప్పినట్లు 2020 జూలై 31న వస్తుందా? రాదా? అని చర్చించుకుంటున్నారు.
తాజాగా 'ఆర్ఆర్ఆర్' విడుదల తేదీ ఇదేనంటూ ఓ వార్త చక్కర్లు కొడుతోంది. గాంధీ జయంతి సందర్భంగా వచ్చే ఏడాది అక్టోబరు 2న ప్రేక్షకుల ముందుకు రానుందట ఈ చిత్రం. దీనిపై స్పష్టత రావాల్సిన అవసరముంది.
ఈ చిత్రంలో చరణ్ పక్కన అలియా భట్ హీరోయిన్. అజయ్ దేవగణ్, సముద్రఖని తదితరులు కీలక పాత్రలు పోషిస్తున్నారు. కీరవాణి సంగీత దర్శకుడు. రాజమౌళి దర్శకత్వం వహిస్తున్నాడు. డివివి దానయ్య నిర్మాత.
ఇది చదవండి: ఒక్క రోజులోనే రికార్డు సెట్ చేసిన 'ఆర్ఆర్ఆర్' భామ
