సినిమా కథలు ఎక్కడి నుంచో పుట్టవు. కొన్ని పుస్తకాల నుంచి వస్తాయి. మరికొన్ని హాలీవుడ్ లేక మరో ఇండస్ట్రీ నుంచి వచ్చిన చిత్రాలలోని కీ పాయింట్తో రూపొందుతాయి. కొన్ని మాత్రం రచయితల సొంత కథలలో తెరకెక్కుతాయి. ఇందుకు హిందీ పరిశ్రమ ఏమీ మినహాయింపు కాదు. అలా హాలీవుడ్ నుంచి వచ్చిన బాలీవుడ్ రీమేక్లపై ఓ లుక్కేద్దాం.
1. జుడ్వా-ట్విన్ డ్రాగన్స్
ఏకరూప కవలలు ప్రధానాంశంగా జాకీచాన్ హీరోగా రూపొందిన చిత్రం ట్విన్ డ్రాగన్స్. ఇందులో చిన్నప్పుడు విడిపోయిన అన్నదమ్ములు కొంతకాలం తర్వాత కలుసుకుంటారు. ఇదే కథతో బాలీవుడ్లో జుడ్వా రూపొందింది. ఇందులో సల్మాన్ ఖాన్ హీరో. ఇటీవలే దీనికి రీమేక్గా జుడ్వా 2 వచ్చింది. ఇందులో వరుణ్ ధావన్ హీరో.
2. క్రిష్-పేచెక్
హృతిక్ రోషన్ హీరోగా తెరకెక్కిన కోయి మిల్గయాకు సీక్వెల్గా రూపొందిన చిత్రం క్రిష్. ఈ కథను హాలీవుడ్లోని పేచెక్ స్ఫూర్తిగా తీసుకుని అభివృద్ధి చేశారు. ఈ రెండు సినిమాల స్టోరీ లైన్ ఒకేలా ఉంటుంది.
3. క్యో కి.. మేన్ జూత్ నహీ బోల్తా-లయర్ లయర్
జిమ్ కారీ సినిమాల్లో ఐకానిక్ మూవీగా గుర్తింపు పొందింది లయర్ లయర్. ఇందులో హీరో అబద్ధం చెప్పని ఓ లాయర్గా కనిపించి నవ్విస్తాడు. ఇదే స్ఫూర్తితో బాలీవుడ్లో క్యో కి.. మేన్ జూత్ నహీ బోల్తా తెరకెక్కింది. ఇందులో గోవింద్ హీరోగా నటించాడు.
4. ఫూల్ అండ్ ఫైనల్-స్నాచ్
హాలీవుడ్ చిత్రం స్నాచ్ కథాంశంతో బాలీవుడ్లో ఫూల్ అండ్ ఫైనల్ తెరకెక్కింది. కానీ ఇది హిందీ ప్రేక్షకులను అంతగా ఆకట్టుకోలేదు.
5.మేరే యార్ కి షాదీ హై-మై బెస్ట్ ఫ్రెండ్స్ వెడ్డింగ్
ఈ టైటిల్లోనే తెలిసిపోతుంది ఇది కాపీ చిత్రమని. హాలీవుడ్కు చెందిన మై బెస్ట్ ఫ్రెండ్స్ వెడ్డింగ్ కథాంశంతో రూపొంది విజయవంతమైంది మేరే యార్ కి షాదీ హై.
6. సలామ్ ఏ ఇష్క్ - లవ్ ఆక్చువల్లీ
ఆరు జంటలు.. వారి జీవితంలో ఒకరికొకరు ఎలా ప్రభావం చూపారన్న కథాంశంతో తెరకెక్కింది సలామ్ ఏ ఇష్క్. అంతకుముందే హాలీవుడ్ లవ్ ఆక్చువల్లీ అనే చిత్రం ఇదే కథతో రూపొందింది.
7.దిల్ బోలే హడిప్పా-షీ ఈజ్ ద మ్యాన్
దిల్ బోలే హడిప్పాలో తనకు ఇష్టమైన ఆటను ఆడేందుకు హీరోయిన్ అబ్బాయి వేషం వేసుకుంటుంది. ఇదే కథాంశంతో హాలీవుడ్లో ముందుగానే షీ ఈజ్ ద మ్యాన్ అనే చిత్రం తెరకెక్కింది.
8.దోస్తనా-నౌ ఐ ప్రనౌన్స్ యు చక్ అండ్ లారీ
యశ్ రాజ్ ఫిలింస్ రూపొందించిన దోస్తనా బాలీవుడ్లో ఓ సరికొత్త పంథాను ఏర్పర్చింది. కానీ ఈ సినిమా కథ ఒరిజినల్ కాదు. హాలీవుడ్లోని నౌ ఐ ప్రనౌన్స్ యు చక్ అండ్ లారీ అనే సినిమా ఆధారంగా ఈ స్టోరీని తయారు చేసుకున్నారు.
9.బంటీ ఓర్ బబ్లీ - బొన్నే అండ్ క్లైడ్
2005లో బాలీవుడ్లో రూపొందిన బంటీ ఓర్ బబ్లీ ఒరిజినల్ కథను హాలీవుడ్కు చెందిన బొన్నే అండ్ క్లైడ్ నుంచి తీసుకున్నారు.
10. తీస్ మార్ ఖాన్ - ఆఫ్టర్ ద ఫాక్స్
పీటర్ స్టెల్లార్ రూపొందించిన ఆఫ్టర్ ద ఫాక్స్ స్టోరీలైన్ తీసుకుని బాలీవుడ్లో రూపొందించిన చిత్రం తీస్మార్ ఖాన్. అక్షయ్ కుమార్, కత్రినా కైఫ్ జంటగా నటించిన ఈ సినిమాలో సన్నివేశాలకు హాలీవుడ్ చిత్రమే మూలం.
