WhatsApp Latest Update 2023 : ప్రముఖ మెసేజింగ్ యాప్ వాట్సాప్ ఎప్పటికప్పుడు సరికొత్త అప్డేట్స్తో వినియోగదారులకు మరింత చేరువవుతోంది. ఈసారి.. సెర్చ్ బార్ను రీడిజైన్ చేసి మరికొన్ని ఫీచర్స్ను వినియోగదారుల ముందుకు తీసుకొచ్చింది వాట్సాప్. తాజా ఫీచర్ వాట్సాప్ ఆండ్రాయిడ్ బీటా వెర్షన్ 2.23.16.5 వారికి మాత్రమే అందుబాటులో ఉందని.. భవిష్యత్లో దీన్ని అందరికి అందుబాటులోకి తెచ్చేందుకు కృషి చేస్తోందని వాట్సాప్‌కు సంబంధించిన అప్‌డేట్లను పర్యవేక్షించే వెబ్‌సైట్ Wabetainfo నివేదించింది.
WhatsApp Beta New Update : వాట్సాప్ ఇంటర్‌ఫేస్‌ను మెరుగుపరచడమే కాకుండా మరింత యూజర్ ఫ్రెండ్లీగా చేయడమే లక్ష్యంగా ఈ రీడిజైన్ అప్డేట్ను తెచ్చినట్లు నివేదిక స్పష్టం చేసింది. అయితే తాజా అప్డేట్ కేవలం యాప్ పైభాగంలో ఉండే సెర్చ్ బార్కు మాత్రమే పరిమితం కాదని.. చాటింగ్ హిస్టరీని వెతికి పెట్టే యాప్‌లోని సెట్టింగ్స్లో ఉండే సెర్చ్ ఆప్షన్లోనూ ఈ అప్డేట్ తెచ్చినట్లు వాట్సాప్ తెలిపింది.
WhatsApp Latest Version : ఈ సరికొత్త అప్డేట్లో కొందరు బీటా టెస్టర్లు మరొక ఆసక్తికరమైన అంశాన్ని గుర్తించారు. అదేంటంటే.. వాట్సాప్ తెరవగానే కనిపించే సెర్చ్ బార్లోని అన్రెడ్, ఫొటోలు, వీడియోలు, లింక్స్ వంటి ఆప్షన్లు ఇప్పుడు కొత్తగా తెలుపు రంగులో కనిపిస్తున్నాయి. ఇది యాప్ విజువలైజేషన్ను మరింతగా మెరుగుపరుస్తుందని బీటా టెస్టర్లు అంటున్నారు.
వారికి మాత్రమే ఛాన్స్..
WhatsApp Beta Version : గూగుల్ ప్లే స్టోర్ నుంచి వాట్సాప్ బీటాను ఇన్స్టాల్ చేసుకున్న బీటా టెస్టర్లకు మాత్రమే రీడిజైన్ చేసిన సెర్చ్ బార్ కనిపిస్తోంది. క్రమంగా దీనిని మరింత మంది వినియోగదారులకు చేరువ చేస్తామని వాట్సాప్ చెప్పింది.
WhatsApp Latest Update Features : సెర్చ్ బార్ రీడిజైన్ అప్డేట్తో పాటు.. మరో కొత్త ఫీచర్ను ప్రవేశపెట్టింది ఈ మెసేజింగ్ ప్లాట్ఫామ్. ఇది వినియోగదారులు సందేశాలు ఫార్వర్డ్ చేసే సమయంలో కొత్త గ్రూప్ను క్రియేట్ చేసే విధంగా ఈ ఫీచర్ ఉంటుంది. మెసేజ్లను ఫార్వర్డ్ చేసే సమయంలో 'క్రియేట్ గ్రూప్' అనే గుర్తును యూజర్స్ ఈ ఫీచర్లో గమనించవచ్చు. దీంతో గ్రూపును సులువుగా తయారు చేసుకోవచ్చు. ఇలా కొత్తగా క్రియేట్ చేసిన గ్రుప్లోకి సులువుగా మీ స్నేహితులను యాడ్ చేయవచ్చు. దీంతో మీరు ఫార్వర్డ్ చేయాలనుకున్న సందేశం నేరుగా అందరికీ ఒకేసారి వెళ్లిపోతుంది.
మరి ఈ నయా ఫీచర్ మీ వాట్సాప్ అకౌంట్లో కూడా వచ్చిందో లేదో తెలుసుకోవాలంటే ఒకసారి మీరు కూడా ఒక మెసేజ్ను ఫార్వర్డ్ చేయడానికి ప్రయత్నించండి. ఈ క్రమంలో ఫార్వర్డింగ్ స్క్రీన్పై క్రియేట్ గ్రూప్ అని మీకు కనిపిస్తే గనుక మీ ఫోన్లో కూడా ఈ కొత్త అప్డేట్ వచ్చినట్లు అర్థం.
