Truecaller Assistant India : ప్రపంచంలో అత్యంత ప్రజాదరణ కలిగిన కాలర్ ఐడీ యాప్.. ట్రూ కాలర్. దీనిని చాలా మంది వాడుతుంటారు. మన కాంటాక్ట్ లిస్ట్లో పేరు లేని వ్యక్తులు కాల్ చేసినప్పుడు.. వారి వివరాలను తెలియజేస్తుంది ట్రూ కాలర్. ఫోన్ రింగ్ అవడానికి ముందే ఎవరు కాల్ చేస్తున్నారో చెప్పేస్తుంది. అయితే భారత్లో.. ట్రూకాలర్ యాప్లో ఫ్రాడ్, స్పామ్ కాల్స్ను నిలువరించేందుకు ట్రూకాలర్ అసిస్టెంట్ అనే కొత్త ఫీచర్ను అందుబాటులోకి తెచ్చింది. ఇంతకీ ట్రూకాలర్ అసిస్టెంట్ ఫీచర్ ప్రత్యేకతేంటో? ఈ ఫీచర్ ఎవరికి అందుబాటులోకి వచ్చిందో? ఓ సారి తెలుసుకుందాం.
ట్రూకాలర్ అసిస్టెంట్ అంటే?..
Truecaller New Features : ట్రూకాలర్ అసిస్టెంట్.. కస్టమర్లకు డిజిటల్ రిసెప్షనిస్ట్‌గా పనిచేస్తుంది. అపరిచిత వ్యక్తులు నుంచి, స్పామ్ కాల్స్ వచ్చినప్పుడు ట్రూకాలర్ అసిస్టెంట్ కాల్ ఆన్సర్ చేస్తుంది. అవతలి వ్యక్తి ఏం మాట్లాడుతున్నారో లైవ్లో మొబైల్ స్క్రీన్పై టెక్స్ట్ రూపంలో చూపిస్తుంది. అప్పుడు ఆ సంభాషణకు చూసి కాల్ను మాట్లాడాలా, వద్దా అనేది వినియోగదారులు నిర్ణయించుకోవచ్చు. ప్రస్తుతం ఈ ట్రూకాలర్ కొత్త ఫీచర్ భారతీయ ఆండ్రాయిడ్ వినియోగదారులకు అందుబాటులోకి వచ్చింది.
'ఇప్పటివరకు ఎవరు కాల్ చేస్తున్నారో ట్రూకాలర్ మీకు చూపించింది. కానీ ఇప్పుడు మీరు మీ తరఫున కాల్ చేసిన వ్యక్తితో సంభాషిస్తుంది. స్పామ్, ఫ్రాడ్ కాల్స్ను నిలువరించడంలో కస్టమర్లకు బాగా సాయం చేస్తుంది. భారత్లోని ట్రూకాలర్ యాప్ వినియోగదారులకు అందుబాటులోకి వచ్చింది.' అని ట్రూకాలర్ ఇండియా మేనేజింగ్ డైరెక్టర్ రిషిత్ జున్జున్వాలా ఈ కొత్త ఫీచర్ గురించి వివరించారు.
14 రోజుల ఉచిత ట్రయల్‌లో భాగంగా ట్రూకాలర్ అసిస్టెంట్ను ఆ సంస్థ భారతీయ వినియోగదారులకు పరిచయం చేసింది. ఈ ప్రారంభ వ్యవధి తర్వాత.. చందాదారులు నెలకు రూ. 149 ప్రీమియం చెల్లించి ట్రూకాలర్ అసిస్టెంట్ను వాడుకోవచ్చు. ట్రూకాలర్ అసిస్టెంట్ ఇప్పటికే అమెరికా, ఆస్ట్రేలియాలో ప్రారంభమైంది. భారతీయ వినియోగదారుల కోసం ఇంగ్లీష్, హిందీ భాషల్లో గూగుల్ అసిస్టెంట్ పనిచేస్తుందని ట్రూకాలర్ ఇండియా మేనేజింగ్ డైరెక్టర్ రిషిత్ జున్జున్వాలా తెలిపారు.
