Samsung Galaxy F23 5G: మీడియం రేంజ్లో అత్యాధునిక ఫీచర్లతో సరికొత్త ఫోన్ను భారత మార్కెట్లోకి తీసుకొచ్చింది ఎలక్ట్రానిక్స్ దిగ్గజం శాంసంగ్. గ్యాలక్సీ ఎఫ్23 5జీ మోడల్ను సోమవారం విడుదల చేసింది. తొలిసారి స్నాప్డ్రాగన్ 750జీ ప్రాసెసర్, 120హెర్జ్ గొరిల్లా గ్లాస్ 5 డిస్ప్లే వంటి ఆకర్షణీయ ఫీచర్లతో వినియోగదారులను ఆకట్టుకునేలా రూపొందించింది. గ్యాలక్సీ ఎఫ్22కు కొనసాగింపుగా వచ్చిన ఈ గ్యాలక్సీ ఎఫ్23 5జీలోని మిగిలిన ఫీచర్లు సహా దీని ధరలు ఇలా ఉన్నాయి.
ఫీచర్లు
- స్నాప్డ్రాగన్ 750జీ ప్రాసెసర్
గ్యాలక్సీ ఎఫ్ సిరీస్లో స్నాప్డ్రాగన్ 750జీ ప్రాసెసర్తో వచ్చిన తొలి ఫోన్ గ్యాలక్సీ ఎఫ్23 5జీ. దీంతో మునుపెన్నడూ లేనంత వేగంగా మల్టీటాస్కింగ్, గేమ్లను ఆడుకోవచ్చు.
- 6.6 అంగుళాల ఫుల్హెచ్డీ ప్లస్ 120 హెర్జ్ డిస్ప్లే
- 50+8+2 ఎంపీ ప్రైమరీ కెమేరా
- 13 ఎంపీ సెల్ఫీ కెమేరా
- 5000ఎంఏహెచ్ బ్యాటరీ (25వాట్స్ ఫాస్ట్ ఛార్జింగ్)శాంసంగ్ గ్యాలక్సీ ఎఫ్23 5జీ
ధర
4 జీబీ ర్యామ్‌/128 జీబీ ఇంటర్నల్‌ స్టోరేజ్‌ వేరియంట్ ధర రూ. 17,499
6 జీబీ ర్యామ్‌/128 జీబీ ధర రూ. 18,499గా ఉంది.
అదిరిపోయే ఆఫర్తో..
అయితే విడుదల సందర్భంగా 4జీబీ వేరియంట్ రూ.14,999కు, 6జీబీ వేరియంట్ రూ.15,999కే లభించనుంది. ఐసీఐసీఐ కార్డు ద్వారా కొనుగోలు చేస్తే రూ.1000 ఇన్స్టాంట్ క్యాష్బ్యాక్ ఆఫర్ కూడా ఉంది.
సేల్ ఎప్పటి నుంచి?
ఆక్వా బ్లూ, ఫారెస్ట్ గ్రీన్ రంగుల్లో ఈ ఫోన్ అందుబాటులోకి వచ్చింది. మార్చి 16 మధ్యాహ్నం 12 గంటల నుంచి ఫ్లిప్కార్ట్, శాంసంగ్ వెబ్సైట్ల ద్వారా విక్రయించనున్నారు.
ఇదీ చూడండి: బడ్జెట్ ధరలో అదిరే ఫీచర్లతో రియల్మీ కొత్త ఫోన్
