SAMSUNG A53 5G: దిగ్గజ స్మార్ట్ఫోన్ బ్రాండ్ శాంసంగ్ నుంచి సరికొత్త మిడ్రేంజ్ ఫోన్ భారత మార్కెట్లో అందుబాటులోకి వచ్చింది. ఇటీవలే ఈ స్మార్ట్ఫోన్ గురించి ఓ కార్యక్రమంలో ప్రకటించిన ఆ సంస్థ.. ప్రస్తుతం ఇండియాలోకి అందుబాటులోకి తెచ్చింది.
SAMSUNG A53 5G features:
గెలాక్సీ ఏ53 5జీ పేరుతో వస్తున్న ఈ స్మార్ట్ఫోన్ ఫీచర్లు ఆకట్టుకుంటున్నాయి. మంచి కెమెరా, అదిరిపోయే డిస్ప్లే, భారీ బ్యాటరీతో ఫోన్.. పవర్ ప్యాక్డ్గా కనిపిస్తోంది. రెండు వేరియంట్లలో ఈ స్మార్ట్ఫోన్ను ప్రవేశపెట్టింది. బ్లాక్, వైట్, పీచ్, లైట్ బ్లూ కలర్లలో ఫోన్ లభించనుంది.
ఫీచర్లు
- ఆక్టాకోర్ ఎక్సీనొస్ 1280 ప్రాసెసర్
- 5000 ఎంఏహెచ్ బ్యాటరీ
- వెనుకవైపు నాలుగు కెమెరాలు(64ఎంపీ కెమెరా, 12 అల్ట్రా వైడ్, 5ఎంపీ డెప్త్, 5ఎంపీ మాక్రో)
- 32 ఎంపీ సెల్ఫీ కెమెరా
- ఆండ్రాయిడ్ 12 ఆపరేటింగ్ సిస్టమ్ + శాంసంగ్ వన్ యూఐ 4.1
- కార్నింగ్ గొరిల్లా గ్లాస్తో.. 6.5 అంగుళాల ఫుల్ హెచ్డీ అమోలెడ్ డిస్ప్లే
- 25 వాట్ ఫాస్ట్ ఛార్జింగ్
- ఇన్డిస్ప్లే ఫింగర్ప్రింట్ సెన్సార్
- డాల్బీ అట్మోస్తో కూడిన స్టీరియో స్పీకర్లు
- 120 హెర్ట్జ్ రిఫ్రెష్ రేటు
ఐపీ67 రేటింగ్తో వస్తున్న ఈ స్మార్ట్ఫోన్ నీటిలో పడినా పనిచేస్తుంది. దీంతో పాటు నాక్స్ అనే సరికొత్త ప్రైవసీ ఫీచర్ను ఇందులో జోడించారు. ఫోన్లోని ఏ యాప్ ఎలాంటి డేటా సేకరిస్తుందనే విషయాన్ని దీని ద్వారా తెలుసుకోవచ్చు. యాప్లు డేటా సేకరించకుండా నియంత్రించవచ్చు.
సోమవారం(మార్చి 21) నుంచే ఫోన్ ప్రీ-బుకింగ్ ప్రారంభమైంది. శాంసంగ్ అధికారిక వెబ్సైట్ లేదా ధ్రువీకృత రిటైల్ స్టోర్లలో మొబైల్ ఫోన్ అందుబాటులో ఉంటుంది. 6జీబీ + 128జీబీ వేరియంట్ ధర రూ.34,499, 8జీబీ + 128జీబీ వేరియంట్ రూ.35,999కు లభించనుంది.
ఇదీ చదవండి: 'యూపీఐ లైట్' ఫీచర్తో ఇంటర్నెట్ లేకుండానే చెల్లింపులు
