చైనాకు చెందిన ప్రముఖ స్మార్ట్ఫోన్ల తయారీ సంస్థ ఒప్పొ భారత మార్కెట్లో మరో కొత్త మోడల్ను విడుదల చేసింది. భారత్లో మంచి ఆదరణ పొందుతున్న రెనో సిరీస్లో.. రెనో 6 5జీ, రెనో 6 ప్రో 5జీ పేర్లతో ఈ మోడల్ మార్కెట్లోకి వచ్చింది. రెనో సిరీస్లోని ఇతర మోడళ్లతో పోలిస్తే.. ఈ కొత్త ఫోన్ చాలా స్లిమ్గా ఉండటం గమనార్హం. వీటితో పాటు ఫోన్ ప్రధాన ఫీచర్లు, ధర వివరాలపై ఓ లుక్కేద్దాం.
రెనో 6 5జీ ఫీచర్లు..
- 6.43 అంగుళాల ఫుల్ హెచ్డీ ప్లస్ డిస్ప్లే
- మీడియా టెక్ డైమెన్సిటీ 900 ప్రాసెసర్మీడియా టెక్ డైమెన్సిటీ 900 చిప్సెట్
- ట్రిపుల్ రియర్ కెమెరా (64ఎంపీ+8ఎంపీ+2ఎంపీ)
- 32 మెగా పిక్సెల్ సెల్ఫీ కెమెరా
- 4,300 ఎంఏహెచ్ బ్యాటరీ, 65 వాట్స్ సూపర్ వూక్ 2.0 ఫాస్ట్ ఛార్జింగ్ సపోర్ట్
- ఆండ్రాయిడ్ 11 ఓఎస్
8జీ ర్యామ్, 128 జీబీ స్టోరేజ్ వేరియంట్ ధర రూ.29,990 గా నిర్ణయించింది ఒప్పొ. ఈ వేరియంట్ జులై 29 నుంచి ఫ్లిప్కార్ట్తోపాటు ఎంపిక చేసిన ఆఫ్లైన్ స్టోర్లలో కొనుగోలుకు అందుబాటులో ఉండనుంది. జులై 23 నుంచి ప్రీ బుకింగ్ చేసుకోవచ్చు.
హెచ్డీఎఫ్సీ బ్యాంక్ కార్డ్, బజాజ్ ఫిన్సర్వ్ ద్వారా ఈ ఫోన్ను కొనుగోలు చేస్తే రూ.3,000 వరకు క్యాష్ బ్యాంక్ పొందే వీలుంది.
రెనో 6 ప్రో 5జీ ఫీచర్లు..
- 6.55 అంగుళాల ఫుల్ హెచ్డీ ప్లస్ డిస్ప్లే
- మీడియా టెక్ డైమెన్సిటీ 1200 ప్రాసెసర్మీడియా టెక్ డైమెన్సిటీ 1200 చిప్సెట్
- క్వాడ్ రియర్ కెమెరా (64 ఎంపీ+8ఎంపీ+2ఎంపీ+2ఎంపీ)
- 32 మెగా పిక్సెల్ సెల్ఫీ కెమెరా
- 4,500 ఎంఏహెచ్ బ్యాటరీ, 65 వాట్స్ ఫాస్ట్ ఛార్జింగ్ సపోర్ట్65 వాట్స్ ఫాస్ట్ ఛార్జిగ్ సపోర్ట్
- ఆండ్రాయిడ్ 11 ఓఎస్
12 జీబీ ర్యామ్, 256 జీబీ స్టోరేజ్ వేరియంట్ ధర రూ.39,990. ఈ వేరియంట్ జులై 20 నుంచే కొనుగోలుకు అందుబాటులోకి రానుంది. బుధవారం నుంచే ప్రీ బుకింగ్కు అవకాశముంది.
రెనో 6 ప్రో 5జీ ఫోన్ను.. హెచ్డీఎఫ్సీ బ్యాంక్ కార్డ్, బజాజ్ ఫిన్సర్వ్ కార్డ్ ఉపయోగించించి కొనుగోలు చేస్తే.. రూ.4,000 వరకు క్యాష్ బ్యాక్ పొందొచ్చు.
ఇదీ చదవండి: చరిత్రలో తొలిసారి.. 200ఎంపీ కెమెరాతో స్మార్ట్ఫోన్!
