మీ ఫోన్లో ఈ 35 యాప్స్లో ఏదైనా ఉంటే వెంటనే డిలీట్ చేయండి

లక్షలాది డౌన్లోడ్స్తో చాలా పాపులర్ యాప్స్లా కనిపిస్తాయి. వాల్పేపర్స్, గేమ్స్ మొదలు జీపీఎస్ వరకు అన్ని రకాల సేవలు అందించేలా భ్రమ కలిగిస్తాయి. కానీ వాటిని డౌన్లోడ్ చేస్తే అంతే సంగతులు అంటున్నారు టెక్ నిపుణలు. మాల్వేర్తో వ్యక్తిగత సమాచారం తస్కరించగల ఆ 35 యాప్స్లో ఒక్కటి మీ స్మార్ట్ఫోన్లో ఉన్నా తక్షణమే డిలీట్ చేయమని సూచిస్తున్నారు.

Published : Aug 18, 2022, 7:21 PM IST

Malicious Android apps list 2022 : గూగుల్ ప్లేస్టోర్లో ఉన్న 35 యాప్స్తో ప్రమాదం పొంచి ఉందని హెచ్చరించింది సెక్యూరిటీ రీసెర్చ్ సంస్థ బిట్డిఫెండర్. ఆ యాప్స్.. అనవసరమైన యాడ్స్ పంపుతూ, వ్యక్తిగత సమాచారం తస్కరించే అవకాశముందని స్పష్టం చేసింది. తెలియక డౌన్లోడ్ చేస్తే.. అత్యంత తెలివిగా రూపం మార్చుకుని మరీ డేటా చోరీ చేయడం ఆ యాప్స్ ప్రత్యేకతని వివరించింది బిట్ డిఫెండర్. ఆ 35 యాప్స్లో ఒక్కటి ఉన్నా.. మీ మొబైల్ నుంచి తక్షణమే అన్ఇన్స్టాల్ చేయాలని సూచించింది.

బిట్డిఫెండర్ బ్లాగ్ ప్రకారం.. వాల్పేపర్స్ నుంచి జీపీఎస్ వరకు వేర్వేరు కేటగిరీల్లో ఆ యాప్స్ ఉన్నాయి. ఒక్కోటి వేలు, లక్షలు చొప్పున.. మొత్తంగా 35 యాప్స్ 20లక్షలకుపైగా డౌన్లోడ్స్ సంపాదించాయి. తెలియక ఇన్స్టాల్ చేసుకున్నాక ఇవి అసలు పని మొదలుపెడతాయి. ముందుగా యాప్ పేరు, ఐకాన్ మారిపోతాయి. రీసెంట్లీ యూజ్డ్ యూప్స్ లిస్ట్లోనూ అవి కనిపించవు. ఫలితంగా.. బ్యాక్గ్రౌండ్లో రన్ అవుతున్నాయని తెలుసుకునే వీలు కూడా ఉండదు.

ఉదాహరణకు.. జీపీఎస్ లొకేషన్ అనే యాప్ డౌన్లోడ్ చేసుకుంటే.. సెట్టింగ్స్ అని దాని పేరును, ఐకాన్ను మార్చేసుకుంటుంది. సెట్టింగ్స్ అంటే మన ఫోన్లో డిఫాల్ట్గానే ఉంటుంది కాబట్టి మనం పట్టించుకోము. అప్పుడు ఆ యాప్.. మన ఫోన్లో అనవసరమైన యాడ్స్ వచ్చేలా చేస్తుంది. యాడ్స్ తరహాలోనే మన ఫోన్లోకి మాల్వేర్ ప్రవేశించి.. వ్యక్తిగత వివరాలు తస్కరించే ప్రమాదం లేకపోలేదు. అందుకే ఆ యాప్స్కు దూరంగా ఉండడమే మేలని చెబుతోంది టెక్డిఫెండర్.

ఆ యాప్స్ వివరాలు: