ఎయిర్టెల్ కస్టమర్లకు గుడ్న్యూస్! సాధారణ టీవీలను కేవలం రూ.1500లకే స్మార్ట్ టీవీలుగా మార్చుకునే అవకాశాన్ని ఎయిర్టెల్ అందిస్తోంది. ఎయిర్టెల్ ఎక్స్ట్రీమ్ బాక్స్ ద్వారా పాత టీవీని స్మార్ట్ టీవీగా మార్చుకునే అవకాశాన్ని కల్పిస్తోంది. వినోదం కోసం కుటుంబ సమేతంగా టీవీ చూసే వారిని దృష్టిలో పెట్టుకొని ఈ ఆఫర్ ప్రకటించింది. ఓటీటీల వినియోగం పెరిగినప్పటికీ ఇలాంటి కుటుంబాలు ఇంకా ఉన్న నేపథ్యంలో.. వారికి స్మార్ట్ వినోదం పరిచయం చేసేందుకు ఈ నిర్ణయం తీసుకుంది.
ఏంటీ ఎక్స్ట్రీమ్ బాక్స్?
ఎయిర్టెల్ ఎక్స్ట్రీమ్ బాక్స్.. పాత టీవీలలోనే నేరుగా ఓటీటీ కంటెంట్ను ప్రసారం చేస్తుంది. దీని ద్వారా స్మార్ట్ టీవీలు అవసరం లేకుండానే.. సాధారణ టీవీలలో ఓటీటీలోని సినిమాలు, షోలను ఆస్వాదించవచ్చు. ఎక్స్ట్రీమ్ బాక్స్ అసలు ధర రూ.2,650. అయితే తమ వినియోగదారులకు ఈ ఎక్స్ట్రీమ్ బాక్స్ను కేవలం రూ.1500లకే అందిస్తోంది ఎయిర్టెల్. ఈ ఎక్స్ట్రీమ్ సెటప్ బాక్స్ ద్వారా.. సోనీ లివ్, అమెజాన్ ప్రైమ్, ఈరోస్ నౌ, డిస్నీ+ హాట్‌స్టార్ వంటి అనేక ఓటీటీ ప్లాట్ఫామ్లోని కంటెంట్ను చూడవచ్చు.
ఎయిర్టెల్ ఎక్స్ట్రీమ్ బాక్స్ టాప్ ఫీచర్స్:
- 5000కు పైగా యాప్స్కు సపోర్ట్ చేస్తుంది.
- క్రోమ్క్యాస్ట్ సౌకర్యం
- 500కు పైగా టీవీ ఛానల్స్
- సెర్చ్ విత్ గూగుల్ అస్సిస్టెంట్
- ఆండ్రాయిడ్ టీవీ 9
ఈ ఫీచర్లతో పాటు.. 4కే రిజల్యూషన్ కంటెంట్ను ఈ సెటప్ బాక్స్ అందిస్తుంది. ఈ బాక్స్ను కంపెనీ వెబ్‌సైట్ నుంచి నేరుగా ఆర్డర్ చేసుకోవచ్చు. లేదా దగ్గర్లోని ఎయిర్టెల్ రిటైల్ స్టోర్కు వెళ్లినా.. ఈ సెటప్ బాక్స్ దొరుకుతుంది. కాగా, ఇలాంటి ఫీచర్లతోనే మార్కెట్లో మరో సెటప్ బాక్స్ అందుబాటులో ఉంది. 'టాటా ప్లే బింజ్+' పేరుతో టాటా స్కై కంపెనీ ఇలాంటి ఓటీటీ సెటప్ బాక్స్ను అందిస్తోంది.
