How to Make Kaddu Ki Kheer Recipe in Telugu: కద్దూ కీ ఖీర్.. టేస్ట్ చేస్తే.. జిందగీ ఖుష్ అనాల్సిందే!

How to Make Kaddu Ki Kheer Recipe in Telugu: సండే వచ్చేసింది. ఎప్పుడూ వండే చికెన్​, మటన్​ కాకుండా.. వెరైటీగా ఏదైనా చేయాలనుకుంటున్నారా..? అయితే ఖచ్చితంగా ఇది మీ కోసమే. అదిరిపోయే కద్దూ కీ ఖీర్ ఎలా తయారు చేయాలో ఇక్కడ తెలుసుకోండి..

How to Make Kaddu Ki Kheer Recipe in Telugu: కద్దూ కీ ఖీర్​ అనేది హైదరాబాద్​లో ఫేమస్​ రెసిపీ. దీని గురించి తెలియని వారుండరు. దీని గురించి ఎంత చెప్పినా తక్కువే అనిపిస్తుంది. పెళ్లిళ్లు, స్పెషల్​ పార్టీలు, ముఖ్యంగా రంజాన్​ మాసంలో ఈ ఖీర్​ను తయారు చేస్తారు. ఇది చాలా రుచికరంగా ఉంటుంది. స్వీట్​ షాపుల్లో కూడా ఇది లభిస్తుంది. ఎంతో కమ్మగా ఉండే ఈ ఖీర్​ను ఇంట్లోనే చాలా సులభంగా తయారు చేసుకోవచ్చు. మరి దీనికి కావాల్సిన పదార్థాలు, తయారీ విధానం ఏంటో ఇక్కడ చూద్దాం..

కద్దూ కీ ఖీర్​కి కావాల్సిన పదార్థాలు:

• లేత సొరకాయ తురుము- 500 గ్రాములు
• పాలు(చిక్కటివి)-1 లీటరు
• సగ్గుబియ్యం- అరకప్పు(30 నిమిషాలు నానబెట్టుకోవాలి)
• పచ్చికోవా-100 గ్రాములు
• జీడిపప్పు-50 గ్రాములు(పేస్ట్​ చేసుకోవాలి)
• పంచదార-250 గ్రాములు
• యాలకుల పొడి-1టీ స్పూన్​
• బాదం-10, పిస్తా-10(నానబెట్టాలి)
• ఫుడ్ కలర్ (గ్రీన్) - చిటికెడు

కద్దూ కీ ఖీర్​ తయారీ విధానం:

• ముందుగా స్టౌ మీద బాండీ పెట్టి.. అందులో సొరకాయ తురుము వేసి మంట మీడియంలో పెట్టి రెండు నిమిషాలు వేయించుకోవాలి.
• ఆ తర్వాత అందులో అరకప్పు నీళ్లు పోసి.. అవి ఇంకిపోయి.. సొరకాయ మెత్తగా అయ్యేవరకు ఉడికించుకోవాలి. ఆ తర్వాత తీసి పక్కన పెట్టుకోండి.
• అడుగు మందంగా ఉన్న గిన్నెను తీసుకుని అందులో ఒక లీటరు చిక్కటి పాలను పోసి మరిగించుకోవాలి.
• పాలు రెండు పొంగులు వచ్చిన తర్వాత.. అరకప్పు వేడి పాలను ఓ గిన్నెలోకి తీసుకోని.. అందులో 100 గ్రాముల పచ్చికోవాను వేసుకుని ఎక్కడా ఉండలు లేకుండా కరిగించుకోవాలి.
• ఇప్పుడు మరుగుతున్న పాలల్లో నానబెట్టిన సగ్గుబియ్యం వేసి.. మెత్తగా ఉడికించుకోవాలి. దీనికి కనీసం 15 నుంచి 20 నిమిషాల టైం పడుతుంది.
• పాలను ప్రతి 30 సెక్లనకు ఒకసారి కలుపుతూ ఉండాలి.
• తర్వాత సగ్గుబియ్యం కాస్తా ఉడికింది అనుకున్న టైంలో.. కలిపిపెట్టుకున్న కోవా.. జీడిపప్పు పేస్ట్​ను వేసుకోని కలుపుకోవాలి.
• రెండు నిమిషాల తర్వాత.. ఉడికించిన సొరకాయ తురుము వేసి బాగా మంటను సిమ్​లో పెట్టి సుమారు 15 నిమిషాల పాటు ఉడికించుకోవాలి.
• పాలు చిక్కపడిన తర్వాత.. పావు కిలో పంచదార పోసి, చిటికెడు ఫుడ్​ కలర్​ వేసుకోవాలి.
• పంచదార కరిగి చిక్కబడే వరకు అంటే సుమారు 15 నిమిషాలు ఉడికించుకోవాలి.
• ఆ తర్వాత యాలకుల పొడి వేసుకుని ఓ రెండు నిమిషాలు ఉడికించుకోని దింపేసుకోండి.
• ఆ తర్వాత ఓ బౌల్​లోకి తీసుకుని ఖీర్​ పైన నానబెట్టుకున్న బాదం, పిస్తా పలుకులు వేసుకోండి.
• దీనిని వేడి వేడిగా లేదంటే ఫ్రిజ్​లో పెట్టుకోని తిన్న కూడా టేస్ట్​ అదిరిపోద్ది.
• ఈ పాయసం ఫ్రిజ్‌లో వారం, పది రోజుల పాటు నిల్వ ఉంటుంది.

ఇంకెందుకు మరి మీరు కూడా దీనిని ట్రై చేయండి.