కూరగాయల రాజా 'వంకాయతో పిజా'!

'తాజా కూరలలో రాజా ఎవరంటే ఇంకా చెప్పాలా.. వంకాయా!' అని ఓ సినీ కవీ ఊరికే రాయలేదు. వంకాయతో ఏం చేసిన అమృతమే. ఎంత తిన్నా అందేది పోషకమే. అందుకే, ఆ రుచికి ఇంకాస్త మజాను జోడించి రాజా వంకాయతో పిజా చేసేద్దాం రండి..

వంకాయ పిజా ఒక్కసారి రుచి చూస్తే శాకాహారులే కాదు, మాంసాహరులూ వదలరంతే... మరింకెందుకు ఆలస్యం రెసిపీ చూసేయండి..

కావాల్సినవి

వంకాయ- ఒకటి పెద్దది, పిజా సాస్‌- అర కప్పు, చీజ్‌ తురుము - పావుకప్పు, ఆలివ్‌లు - మూడు (చక్రాల్లా కోయాలి), నూనె- అరచెంచా, ఉప్పు- తగినంత.

తయారీ..

వంకాయలను కాస్త లావుగా చక్రాల్లా కోసి పెట్టుకోవాలి. ఆ ముక్కలకు నూనె రాసి పైన ఉప్పు చల్లాలి. రెండు నిమిషాల తరవాత వాటిపై పిజా సాస్‌, చీజ్‌ తురుము, స్లైసులుగా కోసిన ఆలివ్‌లు వేయాలి. ఈ ముక్కల్ని పెనంపై సన్ననిమంటపై కాల్చాలి. కాసేపటికి చీజ్‌ కరుగుతుంది. అప్పుడు పొయ్యి కట్టేయాలి. అంతే వేడివేడి వంకాయ పిజా సిద్ధం. దీన్ని అప్పటికప్పుడు తినేయొచ్చు.

ఇదీ చదవండి: 'సొరకాయ హల్వా' రెసిపీ చూసేయండి..