కాకరకాయ చేదుని ఇలా తగ్గించేద్దాం!

కాకరకాయలో ఎన్నో రకాల ఔషధ గుణాలున్నా... దీనికున్న చేదువల్ల ఎక్కువమంది తినడానికి ఇష్టపడరు. అందుకే చేదుని తగ్గించి వండుకోవడం ఎలానో చూద్దాం...

ఉప్పు, పసుపు: కాకరకాయలను శుభ్రంగా కడిగి పొట్టు తీయాలి. ముక్కల్లో ఉప్పు, పసుపు వేసి అరగంటపాటు పక్కన పెట్టేయాలి. ఆ తరువాత నీటిని పిండేస్తే చేదు పోతుంది.

పెరుగు: చెక్కు తీసిన కాకరకాయ ముక్కలను పెరుగులో నానబెట్టాలి. ఇలా చేస్తే చేదు తగ్గిపోతుంది.

చక్కెర: కూర దించేముందు కొద్దిగా బెల్లం లేదా చక్కెర వేస్తే చేదు ఉండదు.

ఉల్లిపాయలు, ఆలుతో కలిపి: వీటితో కలిపి వండినప్పుడు అంతగా చేదు అనిపించదు. ఇవనే కాదు మిగతా కూరగాయలు వేయడం వల్ల కూడా చేదు తగ్గుతుంది.