ప్రేమలో మునిగితేలిన పక్షులు, జంతువులు

ప్రేమికుల రోజున సహచరులతో ఆప్యాయంగా గడుపుతూ చూపరులను ఆకర్షించాయి రాయచూర్ పార్క్​లోని పక్షులు,జంతువులు.

వాలంటైన్స్​డే రోజున ఎన్నో జంటలు ఒక్కటవుతాయి. తమ ప్రేమను వ్యక్తపరిచేందుకు ప్రేమికులు భిన్న పద్ధతులను అనుసరిస్తారు. సృష్టిలో మనుషులే కాదు... పక్షులు,జంతువులు అవధుల్లేకుండా ప్రేమించుకుంటాయి. కర్ణాటక రాయచూర్​లోని సాలుద్దీన్​ పార్కులోని మూగజీవులను చూస్తే ఇది స్పష్టంగా అర్థమవుతుంది.

ప్రేమక్షణాలను ఆస్వాదిస్తూ ముచ్చటగొలిపాయి పార్కులోని పావురాలు, చిలుకలు. తమలోనూ ప్రేమ దాగుందని చాటిచెప్పాయి క్రూరమృగాలు. సింహాలు, పులులు వాటి సహచరులతో కలిసి జాలీగా విహరించాయి. వీటిని చూసిన వీక్షకులు మైమరిచిపోయారు.