విషాదం: చేపల వేటకు వెళ్లి... శవమై తిరిగొచ్చాడు

చేపల వేటకు వెళ్లి వాగులో జారిపడి యువకుడు మృతి చెందిన ఘటన నాగర్​ కర్నూల్ జిల్లాలో చోటుచేసుకుంది. కేసు నమోదు చేసుకున్న పోలీసులు దర్యాప్తు చేపట్టారు.

నాగర్​కర్నూల్​ జిల్లా అచ్చంపేటలో విషాదం చోటుచేసుకుంది. కుమ్మరివాడ పాతబజార్​కు చెందిన పూల వ్యాపారి మహబూబ్​ అలీ పెద్ద కుమారుడు అజీమ్​(19) ఇంటర్​ చదువుతున్నాడు.

కళాశాలలు లేకపోవడం వల్ల ఖాళీగా ఉన్న అజీమ్​ తన చిన్న తమ్ముడు, బావమరిదితో కలిసి ముగ్గురు ఉప్పనుంతల మండలం మొల్గర సమీపంలోని ఓ వాగులోకి చేపల వేటకు వెళ్లారు. అయితే అజీమ్​కు ఈత వచ్చినప్పటికీ వాగు ప్రవాహానికి గుంతలో పడి మునిగిపోయాడు. తనతో పాటు తన తమ్ముడు, బావమరిది కాపాడాలని యత్నించారు. అయినప్పటికీ అజీమ్​ అక్కడిక్కడే మృతి చెందాడు. మృతదేహాన్ని స్థానిక ప్రభుత్వాసుపత్రికి తరలించారు. కేసు నమోదు చేసుకున్న పోలీసుల దర్యాప్తు చేపట్టారు.

ఇదీ చదవండి: ఆధ్యాత్మిక ప్రదేశాలు తెరవాలంటూ సుప్రీంలో వ్యాజ్యం