రంగారెడ్డి జిల్లా మొయినాబాద్ మండలంలోని అజిజ్నగర్ గేట్ సమీపంలో సిమెంట్ ట్యాంకర్ వాహనం ఢీకొని మహిళ మృతి చెందింది. మృతి చెందిన మహిళ కాళీ మందిర్ వాసిగా గుర్తించారు.
కాళీ మందిర్ నుంచి భార్యాభర్తలు ఇద్దరు లునాపై మొయినాబాద్ మండలంలోని ఎనికేపల్లి గ్రామంలో జరిగే ఫంక్షన్కు వెళ్తున్నారు. అజిజ్ నగర్ గేట్ సమీపానికి రాగానే సిమెంట్ ట్యాంకర్ ఢీకొంది. ఈ ఘటనలో భార్య తలకు బలంగా తగలడం వల్ల ఆమె అక్కడిక్కడే మృతి చెందింది. భర్తకు తీవ్రగాయాలయ్యాయి. ఘటనా స్థలికి చేరుకున్న మొయినాబాద్ పోలీసులు కేసు నమోదు చేసుకుని దర్యాప్తు చేస్తున్నారు.
