యాదాద్రి ఆలయ అభివృద్ధి పనుల్లో భాగంగా కొండపై నుంచి ఇసుక లోడుతో వస్తున్న టిప్పర్ అదుపు తప్పి ఘాట్ రోడ్డు రక్షణ గోడను ఢీకొట్టింది. అక్కడ భక్తులు ఎవరూ లేకపోవడం వల్ల పెనుప్రమాదం తప్పింది. ఇసుక లోడుతో టిప్పర్ కిందకు వస్తున్న క్రమంలో మూలమలుపు వద్ద వాహనాలను తప్పించబోయి రక్షణ గోడను ఢీకొట్టింది. రక్షణ గోడ కాస్తా బీటలు వారింది.
కాసేపు వాహన రాకపోకలకు ఇబ్బంది ఏర్పడగా... జేసీబీ సహాయంతో టిప్పర్ను పక్కకు తొలగించారు. వాహనాల రవాణాకు, భక్తులు కొండపైకి వెళ్లేందుకు ఒకే దారి ఉండడం వల్ల ఇబ్బందులు తప్పడం లేదు. కొండపైకి వెళ్లేందుక రెండో ఘాట్ రోడ్డును భక్తులకు అందుబాటులోకి తేవాలని స్థానికులు, భక్తులు కోరుతున్నారు.
ఇవీ చూడండి: గ్రేటర్లో నాలాలు, డ్రైన్ల అభివృద్ధి, చెరువులపై ప్రత్యేక దృష్టి
