చేపల కోసం చెరువులో దిగాడు... శవమై తేలాడు

చేపలు పట్టేందుకు చెరువులో దిగిన వ్యక్తి ... ఈతరాక నీట మునిగి మృతి చెందిన ఘటన జడ్చర్ల మండలం కిష్టారంలో జరిగింది. మృతుడు నిమ్మబావిగడ్డకు చెందిన వెంకటేశ్​గా గుర్తించారు.

మహబూబ్​నగర్ జిల్లా జడ్చర్ల మండలం కిష్టారంలో విషాదం జరిగింది. గ్రామంలోని చెరువులో బుధవారం సాయంత్రం చేపలు పట్టుకునేందుకు దిగిన వ్యక్తి ఈతరాక నీట మునిగి ప్రాణాలు కోల్పోయాడు. గురువారం చెరువులో మృతదేహాన్ని గుర్తించిన స్థానికులు పోలీసులకు సమాచారం అందించారు.

ఘటనా స్థలికి చేరుకున్న పోలీసులు మృతుడు నిమ్మాబావి గ్రామానికి చెందిన వెంకటేశ్​గా గుర్తించారు. కేసు నమోదు చేసుకుని... మృతదేహాన్ని పోస్టుమార్టం నిమిత్తం ఆస్పత్రికి తరలించారు.

ఇదీ చూడండి: స్నేహానికి గుర్తుగా గిఫ్ట్​ పంపించానని లక్షలు లాగేశాడు