గుట్కా తయారీ కేంద్రంపై ఎస్ఓటీ పోలీసుల దాడి

బాలాపూర్ పీఎస్ పరిధిలో గుట్కా తయారీ కేంద్రంపై ఎస్ఓటీ పోలీసులు దాడి చేశారు. సుమారు రూ. 6 లక్షల విలువైన గుట్కా ప్యాకెట్లతో పాటు తయారీ యంత్రాలను స్వాధీనం చేసుకున్నారు.

హైదరాబాద్ బాలాపూర్ పోలీస్ స్టేషన్ పరిధిలో గుట్టు చప్పుడు కాకుండా తయారు చేస్తున్న నిషేధిత గుట్కా కేంద్రంపై ఎల్బీనగర్ ఎస్ఓటి పోలీసులు దాడి చేశారు. నిర్వాహకుడు పరారీలో ఉండగా... ఒకరిని అదుపులోకి తీసుకున్నారు. సుమారు రూ. 6 లక్షల విలువైన గుట్కా ప్యాకెట్లతోపాటు తయారీ యంత్రాలను స్వాధీనం చేసుకున్నారు. దీనిపై కేసు నమోదు చేసి తదుపరి విచారణ నిమిత్తం బాలాపూర్ పోలీసులకు అప్పగించారు.