గన్​తో తండ్రిని బ్లాక్​మెయిల్​

మద్యానికి బానిసయ్యాడు ఆ కుమారుడు. మద్యం సేవించేందుకు డబ్బుల కోసం ఏకంగా తండ్రినే బొమ్మ తుపాకితో బ్లాక్‌మెయిల్‌ చేశాడు. ఇందుకు సహకరించాడు ఓ స్నేహితుడు. ఎట్టకేలకు పోలీసులు ఆ ఇద్దరు నిందితులను అరెస్టు చేసినట్లు ఎస్సై క్రిష్ణారెడ్డి తెలిపారు.  ఈ సంఘటన కరీంనగర్‌ జిల్లా కొత్తపల్లిలో  చోటు చేసుకుంది.

మద్యానికి బానిసైన ఓ యువకుడు డబ్బు కోసం ఏకంగా తండ్రినే బొమ్మ తుపాకితో బ్లాక్ మెయిల్ చేశాడు. కరీంనగర్ జిల్లా వీణవంక మండలం కొత్తపల్లిలో ఈ ఘటన చోటు చేసుకుంది.

మాడ కృష్ణారెడ్డి తన స్నేహితుడు పెండ్లి రవిందర్​తో కలిసి బొమ్మ తుపాకితో తండ్రి డాకారెడ్డిని చంపుతానని బెదిరించాడు. రూ.2 లక్షలు ఇవ్వాలని డిమాండ్ చేశాడు. పోలీసులు పెట్రోలింగ్​ నిర్వహిస్తుండగా నిందితులు అనుమానాస్పదంగా తిరగడం గమనించి విచారించగా అసలు విషయం బయట పడింది.

విశాఖపట్నంలో గుర్తు తెలియని లారీ డ్రైవర్​ దగ్గర నుంచి బొమ్మ తుపాకిని వెయ్యి రూపాయలకు కొనుగోలు చేసినట్లు కృష్ణారెడ్డి వెల్లడించాడు. పోలీసులు బొమ్మ తుపాకి స్వాధీనం చేసుకోని.. నిందితులను రిమాండ్​కు తరలించారు.