నిషేధిత గుట్కా పట్టివేత.. నిందితుని అరెస్ట్​

టపాఛబుత్ర పోలీస్​ స్టేషన్​ పరిధిలో నిషేధిత గుట్కా నిల్వ ఉంచిన గోదాంపై పోలీసులు దాడులు నిర్వహించారు. సుమారు రూ.2 లక్షల విలువ గల సరకును స్వాధీనం చేసుకున్నారు.

హైదరాబాద్ టపాఛబుత్ర పోలీస్​ స్టేషన్​ పరిధిలోని మహావీర్​ నగర్​ వద్ద గల గోదాంలో పోలీసులు సోదాలు నిర్వహించారు. సుమారు రూ. 2 లక్షల విలువైన నిషేధిత గుట్కా ప్యాకెట్లను స్వాధీనం చేసుకున్నారు.

గోదాం యజమాని ప్రదీప్​గోయల్​ను అదుపులోకి తీసుకున్నారు. ఈ మేరకు కేసు నమోదు చేసుకుని దర్యాప్తు చేస్తున్నారు. సరకును పోలీస్​స్టేషన్​కు తరలించారు.