అక్రమంగా ఇసుక రవాణా.. ట్రాక్టర్లు స్వాధీనం

వరంగల్​ నగరంలో అక్రమ ఇసుక రవాణాలు పెరుగుతుండటంతో పోలీసులు ప్రత్యేక దృష్టి సారించారు. గ్రామీణ జిల్లా నుంచి నగరానికి ఇసుకని తరలిస్తున్న ట్రాక్టర్లను స్వాధీనం చేసుకున్నారు.

వరంగల్​ నగరానికి ఇసుక తరలిస్తున్న వారిపై ప్రత్యేక దృష్టి సారించిన పోలీసులు ఎనుమాముల వద్ద చేసిన తనిఖీలో ఐదు ఇసుక ట్రాక్టర్లను సీజ్ చేశారు. మిల్స్ కాలనీ సీఐ రవి కిరణ్.. వర్ధన్నపేట వద్ద మరో 8 ట్రాక్టర్లను స్వాధీనం చేసుకున్నారు.

వర్ధన్నపేట ఆకేరు వాగు నుంచి అక్రమంగా ఇసుక తరలింపులు పెరగడమే గాక. గ్రామీణ జిల్లా నుంచి వందల సంఖ్యలో ట్రాక్టర్లు ఇసుక రవాణా చేస్తుండటంతో పోలీసులు ప్రత్యేక డ్రైవ్​ నిర్వహిస్తున్నారు.

ఇదీ చదవండి: భాగ్యనగరం అతలాకుతలం... లోతట్టు ప్రాంతాలు జలమయం