రాజన్న సిరిసిల్లా జిల్లా సిరిసిల్ల పట్టణం పద్మానగర్లో ఓ దొంగకు స్థానికులు దేహశుద్ది చేశారు. పద్మానగర్లో నివాసముండే ఓ వ్యక్తి.. పక్క ఇంటికి తాళం వేసి ఉండడం గమనించాడు. అదే అదనుగా భావించిన ఆ వ్యక్తి అర్ధరాత్రి ఆ ఇంట్లోకి చొరబడ్డాడు. వారు స్థలం కొనుగోలు కోసం దాచిన రూ.7 లక్షల నగదును కాజేశాడు. ఇంతలో ఇంటివారు రావడం గమనించిన దొంగ దోచిన సొమ్ముతో పారిపోతుండగా వారు కేకలు వేస్తూ వెంబడించారు.
ఆ ఇంట్లో వారు, స్థానికులు కలిసి వెంబడించగా.. ఎట్టకేలకు దొంగ వారి చేతికి చిక్కాడు. కాజేసిన సొమ్మును అతడి నుంచి స్వాధీనం చేసుకున్నారు. అనంతరం దేహశుద్ది చేసి పోలీసులకు అప్పగించారు.
ఇదీ చదవండి: దారుణం: కుమారుడి దాడిలో తల్లి మృతి
