185 మంది@ కోటీ 48 లక్షలు

కొందరు నిరుద్యోగాన్ని ఆసరా చేసుకొని మోసాలకు పాల్పడుతున్నారు. హైదరాబాద్​ చైతన్యపురి పరిధిలో ఉద్యోగాలు ఇప్పిస్తామంటూ దగా చేసిన ముగ్గురిని పోలీసులు అరెస్టు చేశారు. సుమారు 185 మందిని మోసగించి కోటీ 48 లక్షలు దోచుకున్నట్లు ఎల్బీ నగర్​ ఏసీపీ వెల్లడించారు.

హైదరాబాద్​ చైతన్యపురి పరిధిలో ప్రధానమంత్రి గ్రామీణ డిజిటల్​ సాక్షరత అభియాన్​ పథకం ద్వారా ఔట్​సోర్సింగ్​ ఉద్యోగాలు ఇప్పిస్తామంటూ మోసగించిన ముగ్గురిని పోలీసులు అరెస్టు చేశారు. సుమారు 185 మంది నిరుద్యోగుల నుంచి కోటీ 48 లక్షలు వసూలు చేసినట్లు తెలిపారు. బాధితుల ఫిర్యాదుతో నిందితులు బూదరాజు రాధాకృష్ణ, కవిత రెడ్డి, జాన్సన్​లను అదుపులోకి తీసుకున్నారు. వారి నుంచి 6 లక్షల 50 వేల నగదు, ఒక హోండా కారు, 2 బంగారు నగలు, రెండు ల్యాప్​టాప్​లు స్వాధీనం చేసుకున్నారు. నిందితులను రిమాండ్​కు తరిలించినట్లు ఎల్బీనగర్​ ఏసీపీ పృథ్వీధర రావు తెలిపారు.

ఇవీ చూడండి:రాకేశ్​రెడ్డితో పరిచయమా? ఎంతకాలంగా