హైదరాబాద్ ఉప్పల్ పోలీస్ స్టేషన్ పరిధిలో నాచారం హెచ్ఎంటీ నగర్ వద్ద... మత్తు మందు తయారు చేస్తున్న స్థావరంపై ఎక్సైజ్ పోలీసులు దాడులు నిర్వహించారు. ఈ దాడుల్లో భారీగా మత్తు మందు స్వాధీనం చేసుకున్నారు. గుట్టుచప్పుడు కాకుండా ఓ ఇంట్లో ఆల్ఫ్రాజోలం అనే నార్కొటిక్ మత్తు పదార్థం తయారు చేస్తున్నారన్న సమాచారంతో దాడులు నిర్వహించారు.
సుమారు రూ.40 లక్షల విలువైన ఆల్ఫ్రాజోలం మందుతోపాటు యంత్రాలను స్వాధీనం చేసుకున్నట్టు మల్కాజిగిరి డివిజన్ ఎక్సైజ్ అధికారి ప్రదీప్ వారు తెలిపారు. కూకట్పల్లిలో మరో స్థావరం ఉన్నట్టు విచారణలో తేలింది. నిర్వాహకులు పసుపులేటి మాణిక్యాలరావు, కోటిరెడ్డిని అరెస్టు చేసి రిమాండ్కు తరలించారు. మరో వ్యక్తి నెంకంటి వెంకటేశ్వరరావు పరారీలో ఉన్నట్టు వెల్లడించారు.
ఇదీ చూడండి: భార్యే హంతకురాలు.. సాఫ్ట్వేరు మర్డర్ కేసులో కొత్త కోణాలు
