నడుచుకుంటూ వెళ్తున్న మహిళ మెడలో నుండి బంగారు గొలుసు చోరీకి పాల్పడిన దొంగను హైదరాబాద్ కేపీహెచ్బీ పోలీసులు అరెస్టు చేశారు. ఈ నెల 14న సాయంకాలం రాజేశ్వరి అనే వివాహిత నడుచుకుంటూ వెళ్తున్న సమయంలో ఆటోలో వచ్చిన దొంగ మెడలోని గొలుసు తెంచుకుని పరారయ్యాడు. బాధితురాలి ఫిర్యాదు మేరకు కేసు నమోదు చేసుకొని దర్యాప్తు చేపట్టగా... అనుమానం వచ్చిన ఓ ఆటో డ్రైవర్ను అదుపులోకి తీసుకున్నారు.
పోలీసులు తమదైన శైలిలో విచారించగా తాను చేసిన నేరాన్ని అంగీకరించాడు. వనపర్తి జిల్లాకు చెందిన కెతావత్ శంకర్ ఆటో నడుపుతూ మియాపూర్లో నివాసం ఉంటున్నాడు. శంకర్ జల్సాలకు, కుటుంబ ఖర్చులకు డబ్బులు సరిపోకపోవటం వల్ల చైన్ స్నాచింగులకు పాల్పడుతున్నట్లు పోలీసులు వివరించారు. నిందితుడిని అరెస్టు చేసి.. రెండు లక్షల రూపాయల విలువైన 4 తులాల బంగారు గొలుసు స్వాధీనం చేసుకున్నారు. చోరీకి ఉపయోగించిన ఆటోను సీజ్ చేశారు.
