రోడ్డు దాటుతుండగా ఢీకొన్న కారు.. ఇద్దరు మృతి

ఎల్బీనగర్- దిల్​సుఖ్​నగర్​ ప్రధాన రహదారిపై అర్ధరాత్రి రోడ్డు దాటుతున్న ఇద్దరిని అతివేగంగా వచ్చిన ఓ కారు ఢీకొనగా వారిద్దరూ అక్కడికక్కడే మరణించారు. ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

హైదరాబాద్​లో ఎల్బీనగర్​-దిల్​సుఖ్​నగర్​ ప్రధాన రహదారిపై అర్ధరాత్రి అతివేగంగా.. దూసుకొచ్చిన TS 13 UA 7633 కారు.. చైతన్యపురి యూటర్న్​ వద్ద రోడ్డు దాటుతున్న రవి, ధన్​రాజ్​ అనే ఇద్దరిని ఢీకొట్టింది. ఈ ప్రమాదంలో వారిద్దరూ అక్కడికక్కడే మృతి చెందారు.

ఘటన తర్వాత మృతులను ఢీకొట్టిన కారు డ్రైవర్ పరారయ్యాడు. ఘటనాస్థలానికి చేరుకున్న సరూర్​నగర్ పోలీసులు కేసు నమోదు చేసుకుని దర్యాప్తు చేస్తున్నారు. మృతదేహాలను పోస్టుమార్టం నిమిత్తం ఉస్మానియా ఆసుపత్రికి తరలించారు.

ఇదీ చూడండి: అంతా సిద్ధం: నేటి నుంచి శాసనసభ, మండలి వర్షాకాల సమావేశాలు