నిజామాబాద్ జిల్లా కేంద్రంలోని ఓ ప్రైవేట్ ఆసుపత్రిలో యాసిడ్ బాధితురాలు స్వాతి చికిత్స పొందుతోంది. ఈ విషయం తెలుసుకున్న భాజపా రాష్ట్ర నాయకుడు ధన్పాల్ సూర్యనారాయణ ఆసుపత్రిని సందర్శించారు. స్వాతిని పరామర్శించి రూ.10వేలు ఆర్థిక సాయం అందించారు.
కూలీ పని చేసుకుని బతికే స్వాతి అనే వితంతువు జగిత్యాల జిల్లా ఇబ్రహీంపట్నం తిమ్మాపూర్ తండాలో నివసిస్తోంది. బుధవారం రోజున వేరే గ్రామానికి వెళ్లేందుకు బస్టాండ్కు వెళ్లిన స్వాతిపై గుర్తు తెలియని వ్యక్తి యాసిడ్ పోసి పరారయ్యాడు. మెరుగైన చికిత్స కోసం బాధితురాలిని నిజామాబాద్ జిల్లా కేంద్రంలోని ఓ ప్రైవేట్ ఆసుపత్రికి తరలించారు. స్వాతి కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు.
