మేడ్చల్​లో వివాహిత దారుణ హత్య

వివాహితను దారుణంగా హత్య చేసిన ఘటన మేడ్చల్ జిల్లాలో జరిగింది. కేసు నమోదు చేసుకున్న పోలీసులు విచారణ చేస్తున్నారు.

మెదక్ జిల్లా వెల్దుర్తి మండలం రామంతాపూర్​తండాకు చెందిన విజయ(22)ను చేగుంట మండలం చెట్ల తిమ్మయ్య పల్లితండాకు చెందిన వ్యక్తికి ఇచ్చి వివాహం చేశారు. విజయ రైలులో రోజు మేడ్చల్​కు కూలీ పని కోసం వస్తుంది. శనివారం ఇంటి నుంచి మేడ్చల్​కు వచ్చింది. తిరిగి ఇంటికి వెళ్లకపోటంతో ఆందోళన చెందిన కుటుంబ సభ్యులు పోలీసులకు ఫిర్యాదు చేశారు.

విజయను గుర్తు తెలియని వ్యక్తులు హత్య చేసి మేడ్చల్​ రైల్వే స్టేషన్ గోడ పక్కన పడేశారు. సోమవారం ఉదయం రైల్వే స్టేషన్ గోడ పక్కన ఓ మహిళ మృతదేహాన్ని స్థానికులు గుర్తించారు. వారు వెంటనే పోలీసులకు సమాచామివ్వగా ఘటనా స్థలానికి చేరుకున్న పోలీసులు మృతురాలిని విజయగా గుర్తించారు. మృతదేహాన్ని పోస్ట్​మార్టం నిమిత్తం ప్రభుత్వం ఆస్పత్రికి తరలించారు. కేసు నమోదు చేసుకుని విచారణ చేపట్టారు.

ఇదీ చదవండి: పంట మునిగింది.. ప్రాణం పోయింది..