మేడ్చల్ జిల్లా బాచుపల్లి నుంచి గండిమైసమ్మ వైపు ఓ టిప్పర్ విధ్వంసం సృష్టించింది. దుండిగల్ పరిధి బౌరంపేటలోని డీఆర్కే కాలేజీ సమీపంలో... యూ టర్న్ తీసుకుంటున్న కారును టిప్పర్ ఢీ కొట్టింది. ఈ ప్రమాదంలో కారు పల్టీ కొట్టి వెనుక వస్తున్న బైక్కు తగిలింది. ఈ ఘటనలో ద్విచక్రవాహనదారునికి గాయాలు కాగా... స్థానికులు సమీపంలోని ఆస్పత్రికి తరలించారు.
కారులో ప్రయాణిస్తున్న వారు సురక్షితంగా బయటపడ్డారు. త్రుటిలో పెనుప్రమాదం తప్పిందని స్థానికులు తెలిపారు. ఘటనా స్థలానికి చేరుకున్న పోలీసులు చేసు నమోదు చేసి దర్యాప్తు చేస్తున్నట్లు తెలిపారు.
ఇవీ చూడండి: 'అవకాశాలను అందిపుచ్చుకోవడంలో తెలంగాణ ముందే ఉంటుంది'
