ప్రియుడి ఇంటి ఎదుట ప్రియురాలి ఆందోళన

పెళ్లి చేసుకుంటానని చెప్పి మోసం చేశాడంటూ మహబూబాబాద్ జిల్లా కేసముద్రం మండలం గుడితండాలో ఓ యువతి ప్రియుడి ఇంటి ముందు నిరసనకు దిగింది. మహిళా సంఘాల సభ్యులతో కలిసి ఆందోళన చేపట్టింది. తనకు న్యాయం చేయాలని కోరుతోంది.

మహబూబాబాద్ మండలం మల్యాల శివారు చిన్న రామోజీ తండాకు చెందిన అనూష, కేసముద్రం మండలం గుడి తండాకు చెందిన సురేశ్​లు మూడేళ్లు ప్రేమించుకున్నారు. పెళ్లి పేరుతో శారీరకంగా కలిశారు. ఈ క్రమంలోనే అనూష రెండు సార్లు గర్భం దాల్చగా అబార్షన్​ చేయించాడు. పెళ్లి చేసుకోమని అడిగితే వాయిదా వేస్తూ వచ్చాడు. చివరికి ఇంట్లో వాళ్లు ఒప్పుకోవడం లేదంటూ మొహం చాటేశాడు.

ఫలితంగా అనూష మహిళా సంఘాల సభ్యులతో కలిసి సురేశ్​ ఇంటి ముందు నిరసన చేపట్టింది. సురేశ్​తో వెంటనే తనకు వివాహం జరిపించి.. న్యాయం చేయాలని వేడుకుంటోంది.