అక్రమంగా నిల్వ ఉంచిన 40 క్వింటాళ్ల బియ్యం పట్టివేత

అక్రమంగా బియ్యాన్ని నిల్వ చేసిన ఇంటిపై హైదరాబాద్​ పాతబస్తీ డివిజన్​ పరిధిలోని కాలాపత్తర్ పోలీసులు దాడి చేశారు. ఆ ఇంట్లోంచి 40 క్వింటాళ్ల పీడీఎస్​ బియ్యాన్ని స్వాధీనం చేసుకుని ఒక నిందితుడిని అరెస్ట్​ చేశారు.

హైదరాబాద్​ కాలాపత్తర్​ పోలీస్​స్టేషన్​ పరిధిలోని అలీబాగ్​ సమీపంలోని ఓ ఇంట్లో అక్రమంగా పీడీఎస్​ బియ్యాన్ని నిల్వ చేస్తున్నారంటూ పోలీసులకు సమాచారం వచ్చింది. ఈ మేరకు కాలాపత్తర్ పోలీసులు ఆ ఇంటిపై దాడి చేశారు.

పోలీసులు తనిఖీలు నిర్వహించగా.. 40 క్వింటాళ్ల పీడీఎస్​ బియ్యాన్ని స్వాధీనం చేసుకున్నారు. అక్రమంగా బియ్యాన్ని నిల్వ ఉంచుతున్న వసీం అనే నిందితుడిని అరెస్ట్​ చేశారు. స్వాధీనం చేసుకున్న బియ్యాన్ని సివిల్స్ సప్లై అధికారులకు అప్పజెప్పినట్లు పోలీసులు వివరించారు.

ఇదీ చూడండి: ఆన్​లైన్​ పాఠాలతో ఫోన్ బిల్లుల మోత!