పాకిస్థాన్ ఉగ్రవాద సంస్థ లష్కరే ఈ ఇస్లామ్ అధినేత మంగల్ బాఘ్ హతమయ్యాడు. అఫ్గానిస్థాన్ అచిన్ జిల్లా బండారీ ప్రాంతంలో గురువారం ఉదయం జరిగిన పేలుడులో మృతి చెందినట్లు ఆ ప్రాంత గవర్నర్ జియాఉల్హక్ అమర్ఖిల్ ట్వీట్ చేశారు. మంగల్ బాఘ్ సహా మరో ఇద్దరు ముష్కరులు హతమైనట్లు చెప్పారు.
నిజంగా చనిపోయాడా?
తెహ్రికే తాలిబన్ పాకిస్థాన్ అనే తీవ్రవాద సంస్థతో కలిసి పనిచేసే మంగల్ బాఘ్పై అమెరికా ఇప్పటికే 21.8 కోట్ల నజరానా ప్రకటించింది. మంగల్ హతమైనట్లు గతంలోనూ అనేక సార్లు వార్తలు చక్కర్లు కొట్టాయి.
మంగల్కు మాదక ద్రవ్యాలు, అక్రమ రవాణా, కిడ్నప్, నాటో కాన్వాయ్లపై దాడులు, సరకు రవాణాపై డబ్బు వసూలు చేయడం ద్వారా ఆదాయం పొందుతున్నట్లు తెలిపింది అమెరికా.2006 నుంచి లష్కరే ఈ -ఇస్లామ్ అనే ఉగ్రసంస్థను నడుపుతున్నాడని, తన ఆదాయ మార్గాలకు ఆటంకం కలగకుండా ఎప్పటికప్పుడు తన భాగస్వామ్య సంస్థలను మార్చుతున్నట్లు పేర్కొంది.
ఇదీ చదవండి : 'ఒబామా కేర్' మళ్లీ ప్రారంభం!
