ఇరాక్లో అనుకోని ఓ ఘటన జరిగింది. వేడి వేడి చికెన్ సూప్లో పడి షెఫ్ ప్రాణాలొదిలాడు. ఓ పెళ్లి పార్టీలో భోజనం తయారుచేస్తుండగా.. దురదృష్టవశాత్తు తాను సూప్ చేస్తున్న పెద్ద పాత్రలో జారి పడిపోయాడు. ఆ వేడికి ఒళ్లంతా కాలిపోయింది. ఆపై కింద పడిపోయిన అతడ్ని దోహుక్లోని ఓ ఆస్పత్రిలో చేర్చగా.. ఐదురోజులు కొట్టుమిట్టాడి చివరకు చనిపోయాడు.
జాఖో జిల్లాలో జరుగుతున్న ఓ పెళ్లి కోసం.. కిచెన్లో పని చేస్తుండగా ఈ సంఘటన జరిగింది. 25 ఏళ్ల ఇస్మాయిల్కు ముగ్గురు పిల్లలు.
ఇస్మాయిల్.. ఎనిమిదేళ్లుగా షెఫ్గా పనిచేస్తున్నాడని, అతడి మరణంతో కుటుంబంలో విషాదం నెలకొందని బంధువు ఒకరు చెప్పారు.
ఇదీ చదవండి: క్షుద్రపూజల నిందవేసి.. మలం తినిపించి...
