అమెరికా వర్జీనియాలోని ఓ వాల్‌మార్ట్ స్టోర్‌లో మంగళవారం కాల్పులు జరిగాయి. ఈ ఘటనలో ఆరుగురు మరణించగా.. మరికొందరు గాయపడినట్లు పోలీసులు తెలిపారు. కాల్పులు జరిపిన వ్యక్తి కూడా మరణించి ఉంటాడని అధికారులు భావిస్తున్నారు. క్షతగాత్రుల కోసం సహాయక చర్యలు ప్రారంభించారు.
స్థానిక టీవీ ఛానల్ తెలిపిన వివరాల ప్రకారం.. మంగళవారం సుమారు రాత్రి 10.12 గంటలకు.. చిసాపీక్లోని వాల్మార్ట్లో కాల్పుల శబ్దం వినిపించింది. దీంతో అప్రమత్తమైన పోలీసులు హుటాహుటిన ఘటనా స్థలానికి చేరుకున్నారు. అప్పటికే కొంత మంది మరణించగా.. క్షతగాత్రులను రక్షించిన పోలీసులు చికిత్స నిమిత్తం ఆస్పత్రికి తరలించారు.
కుప్పకూలిన కవరేజ్ హెలికాప్టర్..
అమెరికాలోని నార్త్ కరోలినా టెలివిజన్ స్టేషన్‌కు చెందిన ఇద్దరు సిబ్బంది మంగళవాం జరిగిన హెలికాప్టర్ క్రాష్లో దుర్మరణం పాలయ్యారు. ఇందులో పైలట్తో పాటు వాతావరణ నిపుణుడు జాసన్ మేయర్స్ ఉన్నారని అధికారులు తెలిపారు. ఓ న్యూస్ కవరేజ్ కోసం వెళ్లిన ఆ హెలికాప్టర్ ఉదయం 11 గంటల సమయంలో షార్లెట్-ఏరియా ఇంటర్‌స్టేట్‌లో కూలిపోయింది.
