అమెరికా కోస్టారికా ప్రాంతాంలోని కరేబియన్ సముద్రంలో ఓ చార్టర్డ్ ఫ్లైట్ కుప్పకూలగా.. ప్రఖ్యాత గోల్డ్స్ జిమ్ అధిపతి సహా మొత్తం ఆరుగురు మరణించారు. మృతుల్లో గోల్డ్స్ జిమ్ ఓనర్, మెక్ఫిట్ వ్యవస్థాపకులు రైనర్ షాలర్తో పాటు మరో నలుగురు జర్మనీయులు, అలాగే స్విట్జర్లాండ్కు చెందిన ఓ పైలట్ ఉన్నారు.
మెక్సికో నుంచి శుక్రవారం బయలుదేరిన విమానం కరేబియన్ తీరంలోని లిమోన్ వద్దకు చేరుకునే సమయంలో రాడార్ నుంచి అదృశ్యమయ్యింది. విమానం కనిపించకుండా పోయిన తర్వాత గాలింపు చర్యలు ప్రారంభించిన అధికారులకు మరుసటి రోజు నీటిలో దాని శకలాలు కనుగొన్నారు. గల్లంతైన వ్యక్తుల కోసం గాలింపు చర్యలను ముమ్మరం చేశారు. కానీ వాతావరణ మార్పుల కారణంగా ఆ పనిని తాత్కాలికంగా నిలిపేశామని అధికారులు తెలిపారు.
గోల్డ్స్ జిమ్ భారత్లోనూ కార్యకలాపాలు సాగిస్తోంది. ఆ సంస్థ యజమాని అయిన రైనర్.. 2010 బెర్లిన్ లవ్ పరేడ్ టెక్నో ఫెస్టివల్లో తొక్కిసలాట జరిగి 21 మంది మృతిచెందగా.. అనేక ఆరోపణలు ఎదుర్కోవాల్సి వచ్చింది. ఈవెంట్ జరిగే మైదానంలోకి ప్రవేశించేందుకు భారీగా గుమిగూడిన ప్రజలను కట్టడి చేయడంలో రైనర్ భద్రతా సిబ్బంది విఫలమయ్యారన్నది వాటిలో ప్రధానమైంది. అయితే.. తప్పు తమది కాదని ఆయన గత కొంత కాలంగా పోరాడుతూనే ఉన్నారు.
ఇదీ చదవండి: షీ జిన్పింగ్ రికార్డ్.. మూడోసారి చైనా అధ్యక్షునిగా ఎన్నిక
