భారత సంతతి వలంటీర్ల కోసం బ్రిటన్ అభ్యర్థన

కరోనా వ్యాక్సిన్ క్లినికల్ ట్రయల్స్​లో పాల్గొనాలని ప్రజలను బ్రిటన్​ ప్రభుత్వం కోరింది. ముఖ్యంగా భారత సంతతితోపాటు ఇతర మైనారిటీలు ఇందుకు నమోదు చేసుకోవాలని అభ్యర్థించింది. వ్యాక్సిన్​ తయారీని వేగవంతం చేసేందుకు సహకరించాలని భారతీయ భాషల్లో ప్రచారం చేస్తోంది.

కరోనా వ్యాక్సిన్​ క్లినికల్ ట్రయల్స్​లో భాగస్వామ్యం కావాలని భారత సంతతితోపాటు ఇతర మైనారిటీలను బ్రిటన్ ప్రభుత్వం కోరింది. పరీక్షలను వేగవంతం చేసేందుకు సహకరించాలని అభ్యర్థించింది. ఇందుకోసం గుజరాతి, పంజాబి, బెంగాలీ, ఉర్దూ వంటి భాషల్లో ప్రత్యేక కార్యక్రమం రూపొందించింది.

బ్రిటన్​ భద్రతా మార్గదర్శకాల ప్రకారం వ్యాక్సిన్​ను రూపొందించేందుకు శాస్త్రవేత్తలు నిర్విరామంగా కృషి చేస్తున్నారు. బ్రిటన్ వ్యాప్తంగా వ్యాక్సిన్ ట్రయల్స్​ కోసం ఇప్పటికే లక్షమందికిపైగా వలంటీర్లు నమోదు చేసుకున్నారు. అయితే అందరిపై వ్యాక్సిన్​ ప్రభావవంతంగా పనిచేస్తుందో లేదో తెలుసుకునేందుకు అన్నివర్గాల ప్రజలు ఇందులో పాల్గొనాలని బ్రిటన్​ ప్రభుత్వం కోరుతోంది.

పేరు నమోదు చేసుకోవాలి..

ట్రయల్స్​ కోసం ఇంకా వందల మంది వలంటీర్లు కావాలని బ్రిటన్ వాణిజ్య మంత్రి ఆలోక్ వర్మ తెలిపారు. వీరంతా 'నేషనల్ హెల్త్ సర్వీస్ (ఎన్​హెచ్​ఎస్​) కొవిడ్- 19 రీసెర్చ్ రిజిస్ట్రీ'లో పేరు నమోదు చేసుకోవాలని సూచించారు. వచ్చే కొన్ని నెలల్లో ఎన్​హెచ్​ఎస్, పరిశోధన సంస్థలు కలిసి ట్రయల్స్ ప్రారంభించనున్నాయని స్పష్టం చేశారు.

ఆస్ట్రా జెనికా సహకారంతో ఆక్స్​ఫర్డ్ విశ్వవిద్యాలయం అభివృద్ధి చేసిన ఈ వ్యాక్సిన్​.. ఇప్పటివరకు నిర్వహించిన ట్రయల్స్​లో సమర్థంగా పనిచేసినట్లు గుర్తించారు. 6 రకాల జనసమూహాలకు, నాలుగు కరోనా వైరస్ వ్యాక్సిన్​ క్రమాలను ​రూపొందించారు.

ఇదీ చూడండి: 'ఆక్స్‌ఫర్డ్' కరోనా వ్యాక్సిన్.. నేటి నుంచే ప్రయోగం