స్విస్ బ్యాంకులో తగ్గిన భారత డబ్బు
స్విస్ బ్యాంకుల్లో భారతీయుల సంపద అత్యంత కనిష్ఠానికి పడిపోయింది. 2018కి గానూ భారతీయుల వ్యక్తిగత, సంస్థలకు చెందిన ఖాతాల్లో 6 శాతం మేర డబ్బు తగ్గిపోయింది. రెండు దశాబ్దాల్లో ఇది రెండో అతిపెద్ద తగ్గుదలని స్విస్ నేషనల్ బ్యాంకు (ఎస్ఎన్బీ) తెలిపింది. విదేశీయుల సొమ్ము 4 శాతం మేర తగ్గింది.
2018లో స్విస్ బ్యాంకుల్లో నిల్వ ఉన్న భారతీయుల డబ్బు రూ.6,757 కోట్లుగా ఉంది. విదేశీయుల సొమ్ము రూ.99 లక్షల కోట్లుగా ఉంది. ఈ గణాంకాలన్నీ బ్యాంకులు అధికారికంగా నివేదించినవి. ఇందులో భారతీయుల నల్లధనానికి సంబంధించి ఎలాంటి వివరాలు లేవు. ఎన్ఆర్ఐలు, వివిధ దేశాల్లోని సంస్థల పేరుతో దాచిన సొమ్ము ఈ లెక్కల్లో లేకపోవటం గమనార్హం.
ఇదీ చూడండి: నీరవ్ మోదీకి మరో షాక్- స్విస్ ఖాతాలు సీజ్
